Para Sa Mga Paaralan : Tula Tungkol Sa Edukasyon

TULA TUNGKOL SA EDUKASYON – Ang artikulong ito ay tungkol sa tulang “Para Sa Mga Paaralan”. Ito ay halimbawa ng isang tula tungkol sa edukasyon. Sa tulang ito, sinasaad ni Joshua Rommel H. Vargas na ang bawat estudyante ay may kanya-kanyang alam at kakayahan.

Ang “Para Sa Mga Paaralan” ay tungkol sa pagrespeto sa kakayahan ng bawat estudyante.

PARA SA MGA PAARALAN - TULA TUNGKOL SA EDUKASYON
PARA SA MGA PAARALAN – TULA TUNGKOL SA EDUKASYON

At narito na ang halimbawa ng isang tula tungkol sa edukasyon na pinamagatang “Para Sa Mga Paaralan.”

Para sa mga Paaralan

Hindi pareho ang lahat
sa alam at kakayahan
May mga magaling sa Math
o, kundi, sa kasaysayan.

May mga estudyanteng mahusay
sa iba’t-ibang gawain sa buhay
ngunit wala silang pakialam
para sa mga detalye ng agham.

May hustisya ba sa sistema
para sa mga estudyanteng ito?
Walang kuwenta na ba ang isda
na hindi kayang mag-akyat ng puno?

Hindi pareho ang lahat
sa alam at kakayahan
Sana nga, may pakialam
ang lipunan sa kanila.

Tula sa edukasyon noon at ngayon Joshua Rommel H. Vargas

Buod ng Tula Tungkol Sa Edukasyon

Sa tula na ito, isinaysay ng may akda na mayroong iba’t-ibang alam at kakayahan ang bawat estudyante. May mga estudyanteng mahusay sa buhay ngunit walang pakialam sa detalye ng agham. Hindi lahat pareho ang alam at kakayahan kaya’t sana ay may pakialam ang lipunan sa kanila.

Aral ng Tula Tungkol Sa Edukasyon

Ang kapupulutang aral sa tula na ito ay ang pagrespeto sa kakayahan at alam ng bawat isa. Kung sa tingin mo ay mas matalino ka kaysa sa iyong kapwa isipin mong may mga bagay din siyang alam at kayang gawin na hindi mo alam at kaya.

Summary

Ang tula na ito ay tungkol sa pagrespeto sa kakayahan at alam ng bawat estudyante sa paaralan. Isinaysay ng may akda na bawat estudyante ay may kanya-kanyang alam at kakayahan.

Para Sa Iba Pang Tula At Filipino Lessons

Maraming salamat sa pagbasa ng Tula na ito. Huwag kalimutang ibahagi ito sa iyong mga kaibigan. Basahin rin ang iba pa naming halimbawa at tula, dito lang sa ProudPinoy.ph!

We are Proud Pinoy!

Leave a Comment