Edukasyon : Tula Tungkol Sa Edukasyon ni Angelbless

TULA TUNGKOL SA EDUKASYON – Ang artikulong ito ay tungkol sa tulang “Edukasyon”. Ito ay isang halimbawa ng isang tula tungkol sa edukasyon. Sa tulang ito, sinasaad ni Angelbless na ating pahalagahan ang edukasyon.

Ang “Edukasyon” ay isang halimbawa ng tula tungkol sa kahalagahan ng pag-aaral sa ating buhay.

EDUKASYON NI ANGELBLESS - TULA TUNGKOL SA EDUKASYON
EDUKASYON – TULA NI ANGELBLESS

Edukasyon : Tula Ni Angelbless

At ito ang isa sa mga halimbawa ng isang tula na pinamagatang “Edukasyon”.

Edukasyon

Edukasyon mahalagang bagay sa bawat nilalang;
Nagsisilbing sandata para kahirapan ay mapaglabanan;
Maghahatid tungo sa landas ng karangyaan at karalitaan;
Kayamanan na hindi maagaw at mapawi magpakailanman.

Pagtiyagaan at pagsikapan na ito ay iyong makamtan;
Tiisin ang puyat at pagod na pagdadaanan;
Ano mang balakid piliting ito’y mawaglit at malampasan;
Habang buhay mo itong kaakibat at pakikinabangan.

Kabataan makiramdam at magmasid ka sa iyong bayan;
Taong namumuno taglay ang malawak na kaalaman;
Iginagalang, pinapakinggan at pinapahalagahan sa lipunan;
Tinitingala at hindi pwedeng aapakan ng sino man.

Pangarap ng iyong magulang iyo nawang tugunin;
Pag aaral ay pagsisikapan at iyong pagbubutihin;
Ito ang tanging kayamanang sa iyo’y kanilang ihahabilin;
Hirap man ay dadanasin magtiis ka huwag mo sila biguin.

Magulang ang sayo ay umaalalay at gumagabay;
Igagalang at sila’y huwag bigyan ng lumbay;
Huwag aksayahin ang oras sa mga bagay na walang kabulohan;
Bagkus ito ay ibuhos sa pagtuklas at pagtaglay ng karunungan.

Mga kabataan payo at saway ng iyong magulang pakinggan;
Pahalagahan at itatak sa puso at musmos mong isipan;
Adhikaing maibigay ang buhay na may kaginhawaan;
Makita kang sagana dulot sa kanila ay wagas na kaligayahan.

Tula tungkol sa edukasyon sa Pilipinas ni Angelbless

Buod ng Tula

Sa tulang ito, isinaysay ng may akda na ang edukasyon ay mahalagang bagay sa bawat nilalang. Ito ay nagdudulot ng karangyaan at kaginhawaan. Taong namumuno ay taglay ang malawak na kaalaman. Sila ay pinapakinggan, iginagalang at pinapahalagahan.

Kung kaya’t atin itong pahalagahan at ating pakinggan ang ating mga magulang. Sapagkat makita kang sagana dulot sa kanila ay wagas na kaligayahan.

Aral ng Tula

Ang kapupulutang aral sa tula na ito ay pagbibigay halaga sa pag-aaral. Sapagkat, sa panahon ngayon, kapag ikaw ay walang alam, ikaw ay walang puwang at hindi pakikinggan. Edukasyon ang ating tanging panlaban.

Summary

Ang tulang ito ay isang halimbawa ng tula tungkol sa mga bagay kung bakit natin kailangang bigyan ng halaga ang ating pag-aaral. Payo ng ating magulang ay ating sundin. Sapagkat ito lamang ang kanilang tanging pamana at ating sandata.

Para Sa Iba Pang Tula At Filipino Lessons

Maraming salamat sa pagbasa ng Tula na ito. Huwag kalimutang ibahagi ito sa iyong mga kaibigan. Basahin rin ang iba pa naming halimbawa at tula, dito lang sa ProudPinoy.ph!

We are Proud Pinoy!

Leave a Comment