Talumpati Kahulugan – Kahulugan, Halimbawa, At Uri Ng Talumpati

KAHULUGAN NG TALUMPATI – Sa araling ito ating matutunghayan kung ano ang kahulugan ng talumpati sa Tagalog at mga bahagi, halimbawa, layunin at uri nito. Ito ay kinalap mula sa mga makatang Pilipino na siyang sumulat ng mga talumpati na ating ginagamit at nagbibigay inspirasyon sa atin ngayon.

Ano Ang Kahulugan Ng Talumpati?

Ang talumpati o speech sa Ingles ay isang uri ng komunikasyong pampubliko kung saan nagpapahayag ng kaisipan o opinyon ng isang tao tungkol sa isang paksa. Ang taong gumagawa at nagtatalumpati sa harap ng publiko o grupo ng mga tao ay tinatawag na mananalumpati.

Ang talumpati ay itinituring na kumunikasyong pampubliko dahil ang mananalumpati ay nagpapaliwanag sa isang paksa na binibigkas sa harap ng mga tagapakinig.

Mayroong iba’t ibang klase ang talumpati, pinakapopular ang panandaliang talumpati (extemporaneous speech). Ito ay ang agarang pagsagot sa paksang ibinibigay sa mananalumpati at malaya siyang magbibigay ng sariling pananaw. Maaaring may paghahanda o walang paghahanda ang talumpati. Tinatawag naman na impromptu sa wikang Ingles ang talumpating walang paghahanda kung saan binibigay lamang sa oras ng pagtatalumpati. Sinusubok ang kaalaman ng mananalumpati sa paksa.

Talumpati Kahulugan – Kahulugan, Halimbawa, Uri, Bahagi, At Layunin Ng Talumpati

Talumpati Kahulugan - Kahulugan, Uri, Bahagi, Halimbawa, At Layunin Ng Talumpati
Talumpati Kahulugan – Kahulugan, Uri, Bahagi, Halimbawa, At Layunin Ng Talumpati

Talumpati Kahulugan – Bahagi Ng Talumpati

Batay sa nabasa ninyo sa itaas tungkol sa kung ano ang kahulugan ng talumpati, narito naman ang mga bahagi ng talumpati mula sa brainly.ph.

BahagiKahulugan
PamagatSa parteng ito kinukuha ang atensyon ng mga tagapakinig. Dito rin inilalahad ang layunin ng talumpati.
Katawan Sa bahaging ito binabanggit nang husto ang paksa at mga ideya at pananaw.
Katapusan Ito ang pinakasukdol ng buod ng talumpati. Dagdag pa rito, dito isinasaad ang mga pinakamalakas na punto ng talumpati.
Bahagi ng Talumpati

Ang pormal na halimbawa ng talumpati ay nahahati sa 3 bahagi at yun ay ang pamagat, katawan at katapusan. Ang mga parteng ito ang dapat isaalang-alang ng isang mananalumpati sa publiko.

Talumpati Kahulugan – Uri Ng Talumpati Ayon Sa Pamamaraan

Time needed: 2 minutes.

Ngayon na nalaman na natin kung ano ang kahulugan at bahagi ng talumpati, talakayin naman natin ang mga uri ng talumpati mula sa pinoycollection.com.

  1. Talumpating Pampalibang

    Madalas itong binibigkas pagkatapos ng isang salu-salo o kainan. Sa Uring ito, ang mananalumpati ay nagpapatawa sa pamamagitan ng anekdota o maikling kwento.

  2. Talumpating Nagpapakilala

    Kilala din ito sa tawag na panimulang talumpati. Ito ay karaniwang maikli lalo na kung ang ipinapakilala ay kilala na o may pangalan na. Pakay nitong ihanda ang mga tao at pukawin ang kanilang atensyon sa galing ng kanilang magiging tagapagsalita.

  3. Talumpating Pangkabatiran

    Sa uri ng talumpating ito ay gumagamit ng mga kagamitang makatutulong para lalong maliwanagan at maunawaan ang paksang tinatalakay. Ginagamit ito sa mga panayam, kumbensyon, at mga pagtitipong pang-siyentipiko, diplomatiko at iba pang samahan ng mga dalubhasa sa iba’t ibang larangan.

  4. Talumpating Nagbibigay-galang

    Ito ay magandang talumpati sa pagbibigay galang at pagsalubong sa isang panauhin, pagtanggap sa kasapi o kaya ay sa kasamahang mawawalay o aalis.

  5. Talumpating Nagpaparangal

    Sa mga okasyon tulad pagbibigay ng parangal sa isang tao o kaya magbigay ng papuri sa mga kabutihang nagawa nito ginagamit ang ganitong uri ng talumpati.

    Ginagamit rin ito sa iba pang okasyon kagaya ng paggawad ng karangalan sa mga nagsipagwagi sa patimpalak at paligsahan, paglipat sa katungkulan ng isang kasapi, pamamaalam sa isang yumao at parangal sa natatanging ambag ng isang tao o grupo.

  6. Talumpating Pampasigla

    Ang talumpating ito ang siyang pumupukaw ng damdamin at impresyon ng mga tagapakinig kung saan kalimitang binibigkas ito ng isang Coach sa kanyang pangkat ng mga manlalaro, isang Lider ng samahan sa mga manggagawa o myembro at isang Pinuno ng tanggapan sa kanyang mga kawani.

Ang pormal na halimbawa ng talumpati ay may anim (6) na uri ng talumpati o pananalumpati. Ito ay ang talumpating pampalibang, nagpapakilala, pangkabatiran, nagbibigay-galang, nagpaparangal, at pampasigla.

Talumpati Kahulugan – Uri Ng Talumpati Ayon Sa Layunin

Pagkatapos nating talakayin ang kahulugan, bahagi at uri ng talumpati, narito naman ang uri ng talumpati ayon sa layunin mula sa pinoycollection.com.

Uri ng Talumpati Ayon sa PamamaraanKahulugan
DagliIto ay isang uri ng talumpati na hindi pinaghandaan.
MaluwagSa uri ng talumpati na ito, ang mananalumpati ay may panahon para maihanda at magtipon ng datos ang mananalumpati bago ang kanyang pagsasalita.
PinaghandaanSa uri ng talumpati na ito, maaring isinulat, binabasa o sinasaulo at may sapat na pag-aaral sa paksa.
Uri ng Talumpati ayon sa Pamamaraan

Mayroong tatlong (3) uri ng talumpati ayon sa pamamaraan, ito ay ang dagli, maluwag at pinaghandaan.

Talumpati Kahulugan – Layunin Ng Talumpati

Batay sa nabasa ninyo kung ano ang kahulugan, bahagi, at uri ng talumpati, narito naman ang mga layunin ng talumpati ayon sa brainly.ph.

  • Humikayat
  • Tumugon
  • Maglahad ng paniniwala
  • Magbigay ng impormasyon
  • Mangatwiran

Ang layunin ng talumpati ay ang humikayat, tumugon, maglahad ng paniniwala, magbigay ng impormasyon, at mangatwiran.

Talumpati Kahulugan – Halimbawa Ng Talumpati

Talumpati Tungkol Sa Sarili

“Obra Maestra”

Kinikilala ng buong mundo ang larangan ng sining upang mabisang lunsaran ng pagiging malikhain at kahusayan ng bawat nilalang. Saklaw nito ang pagguhit, pagsayaw, pag-awit, pagpipinta, iskultura, at maging pag-arte.

Ngunit sa lahat ng sining na ito, isa ang pinakamagandang obra ang kinikilala ng daigdig—ang ating mga sarili. At ganito rin ang pananaw ko, na ako ang pinakamagandang obra na nalikha sa daigdig ng Panginoon.

Magandang obra ako sa kabila ng mga kamalian. Ang mga pinagdaraanan ko sa buhay ay mga nagsisilbing paraan upang ako lalong tumibay at maging produktibo.

Sa bawat pagkakadapa ko ay nakapupulot ako ng mahalagang aral na lalong nagpapatatag sa akin. Tulad ako ng isang diyamanteng dinarang muna sa apoy bago naging mamahaling bato.

Para akong isang iskultura na kailangan muna ng kaliwa’t kanang pukpok bago maging isang likhang sining.

Ako ay obra dahil parang isang entablado ang aking buhay. Isang entablado na kailangan kong tahakin araw-araw habang mayroong mga nakamasid na mata.

Kahit gawin ko ang lahat ng aking makakaya ay hindi puro palakpak ang makukuha ko. Ngunit hindi ito dahilan upang huminto. Dahil tulad ng pagpipinta, ako ay isang obra na hindi lahat ay makauunawa.

Tulad ng isang awitin, ako ay obra na hindi papatok sa lahat. At tulad ng isang sayaw, hindi lahat ay makasasabay sa nais kong indak.

Talumpati tungkol sa sariling karanasan mula sa panitikan.com.ph

Batay sa kahulugan, bahagi, layunin at uri ng talumpati, narito ang isang halimbawa ng talumpati na pinamagatang Obra Maestra. Ito ay isang halimbawa ng talumpati tungkol sapagmamahal at pagpapakilala sa sarili. Ang talumpati na ito ay magbibigay inspirasyon sa atin upang mahalin at tanggapin natin kung sino tayo.

Talumpati Tungkol Sa Pandemya

Mahigpit Na Yakap Sa Ating Mga Bayaning Frontlinres

Sa gitna ng COVID-19 pandemic sa buong mundo, patuloy din ang ating mga frontliner sa pagharap at paglaban sa mga hamong dulot nito.

Hindi alintana ang anumang pagod o panganib, walang patid ang pagtupad ng ating mga BAGONG BAYANI sa kanilang sinumpaang tungkulin–ang mag-aruga, magligtas, at magpagaling sa ating mga kababayang may sakit, lalo na ang mga COVID-19 patients na lubos ang pangangailangan ng tulong at pagkalinga.

Sa simula pa lamang ng pandemyang ito, sila na ang unang nakasuong sa larangan ng digmaan— tinitiis ang pagod, sakit ng katawan, hirap ng loob. Lumalaban sila sa sariling pangamba, agam-agam, at pangungulila sa pamilya, mabigyan lamang ng ginhawa ang may sakit, at sa kahit munting paraan ay makatulong upang maibsan ang paghihirap ng mga ito.

Sila ang ating mga minamahal na frontliners at health care workers na patuloy na pinipiling maglingkod sa BAYAN bago ang kanilang SARILI.

Kaya naman, ating bigyang-pugay at bigyan ng ‘mahigpit na yakap’ ang ating mga kababayang frontliner sa kanilang hindi matatawarang serbisyo at sakripisyo.

Mula sa buong hanay ng Kagawaran ng Transportasyon, maraming maraming salamat. Mahal namin kayo. IDOL namin kayo!

Palagi kayong nasa aming mga dasal. 

Talumpati tungkol sa mga frontliners ngayong pandemya mula sa dotr.gov.ph

Batay sa kahulugan, bahagi, layunin at uri ng talumpati, narito ang isang halimbawa ng talumpati na pinamagatang Mahigpit Na Yakap Sa Ating Mga Bayaning Frontliners. Ito ay isang halimbawa ng maikling talumpati tungkol sa panahon ng pandemya (Covid 19). Ang talumpati tungkol sa edukasyon ngayong pandemya na ito ay magbibigay inspirasyon sa atin upang maging matatag at huwag mawalan ng pag-asa sa pagsubok na dulot ng panahon ng pandemya (Covid 19).

Talumpati Tungkol Sa Droga

Paraan Upang Maiwasan Ito Ng Mga Kabataan

Para sa ating mga ordinaryong mamamayan hinihikayat ko kayo na makibahagi at gawing ang nararapat bilang isang responsableng mamamayan. Umpisahan natin ang pagpapalaganap ng disiplina at takot sa ating mga anak sa loob mismo ng ating bawat tahanan. Ang batang busog sa aral at pagmamahal ng mga magulang ay malayong mapapariwara sa buhay. Huwag nating konsentihin ang mali na nakikita natin.

Ang problema sa droga ay hindi lamang suliranin ng ating gobyerno.Ang bawat isa sa atin ay may obligasyon. Huwag nating hayaan na darating ang panahon na mapapasama ang sinuman sa ating pamilya sa datos ng mga taong lulong at pinapatay ng dahil sa droga. Makuntento na tayo kung ano ang mayroon at huwag maghangad pa ng mga bagay na hindi naman natin kaya.

Mahirap humusga at maging eksperto, dahil sa kung ano ang kadahilanan ng mga nagtutulak at mga adik ay tanging sila-sila na lamang ang nakakaalam. Mag-isip sana tayo kung ano ang ating maitututlong sa ating gobyerno sa halip na maghihintay tayo kung ano ang maibibigay nito sa atin.

Talumpati tungkol sa droga sa Pilipinas mula sa takdangaralin.ph

Batay sa kahulugan, bahagi, layunin at uri ng talumpati, narito ang isang halimbawa ng talumpati na pinamagatang Paraan Upang Maiwasan Ito Ng Mga Kabataan. Ito ay isang halimbawa ng maikling talumpati tungkol sa kabataan droga iwasan Tagalog. Ang talumpati na ito ay para maipakita na dapat ay iwasan at huwag gumamit ng ipinagbabawal na gamot.

Talumpati Tungkol Sa Edukasyon

Edukasyon ang Solusyon

Magandang araw po sa inyo!

Nawa po sa maikling pagkakataon na ibinigay sa akin dito ay makinig kayo.

Edukasyon.. Edukasyon.. Talaga bang mahalaga ito? Ano ba ang maitutulong nito sa ating kinabukasan? Maraming katanungan ang nais nating mabigyan ng kasagutan. Tayong mga kabataan ang pag-asa ng bayan, maraming nagsasabi nito. Ngunit, bakit maraming mga kabataan ang hindi nag-aaral? Nagiging tambay na lang sila at nalululong sa masamang bisyo. Maraming dahilan kung bakit gindi sila nag-aaral pero marami rin namang paraan upang makapag-aral. Alam kong ang pagiging mahirap ay isa sa mga dahilan pero may paraan naman para dito, pwede ka namang maging “working student” kung gusto mo lang talaga. Sabi nga sa kanta, “kung ayaw may dahilan, kung gusto palaging merong paraan.” Kaya’t kung gusto mo talagang mag-aral ay gagawa at gagawa ka ng paraan para dito.

Ang edukasyon ang ating panlaban upang magkaroon tayo ng magandang kinabukasan. Kung mapapansin natin maraming mga kababayan natin sa ibang bansa ang minamaltrato, inaapi, at inaabuso. Bakit nating hahayaang mangyari ito? Tayong mga kabataan ngayon, papayag ba tayong magpatuloy ito? Hindi na dapat, ipakita natin sa kanila na kaya nating umunlad gamit ang ating sariling mga paa. Ang edukasyon ang tanging kayamanan na ipamamana ng ating mga magulang sa atin na kailanman ay hinding-hindi mawawala sa atin at walang sinuman ang makakakuha nito mula sa atin.

Ang edukasyon ang susi ng ating tagumpay. Ito ang makakapagpa-ahon sa atin mula sa kahirapan. Kaya’t wag nating sayangin ang pagkakataon na ibinigay sa atin ng ating mga magulang upang makapag-aral. Tayo’y mag-aral ng mabuti at ipasantabi ang mga bagay na makakasira sa ating pag-aaral. Lagi tayong magsumikap at wag nating kalilimutan na ang edukasyon ang solusyon sa ating kahirapan.

Talumpati tungkol sa edukasyon ni Zyrene Evangelista

Batay sa kahulugan, bahagi, layunin at uri ng talumpati, narito ang isang halimbawa ng talumpati na pinamagatang Edukasyon ang Solusyon. Ito ay isang halimbawa ng maikling talumpati tungkol sa kahalagahan ng edukasyon ngayong pandemya sa Pilipinas. Ang talumpating ito ay para ipabatid sa lahat na kahalagahan ng pag-aral at ang edukasyon ang susi sa ating mga pangarap sa buhay.

Talumpati Tungkol Sa Kabataan

Talumpati Para Sa Mga Kabataan

Naalala niyo pa ba ng mga kasabihan noon na “Ang kabataan ay pagasa ng bayan”? Marahil sa panahon ngayon, kinalimutan na iyan ng mga tao. Ang dating pagasa ng bayan ay naging sentro na ng mga maruming isyu ng lipunan. Namulat na ang ilan na hindi na maasahan ang mga kabataan. Hahayaan kong ipabatid sa inyo ang mga isyu na ito na nagging dahilan ng negatibong pananaw sa mga kabataan ngayon.

Kalat ngayon sa mga urban na lugar ang mga grupo ng kabataang bumabasag sa katahimikan ng paligid. Sila ang mga grupo ng mga kabataan, mapababae man o mapalalaki, na tinatawag na Gang o Fraternity. Ugat ng mga kaguluhan ngayon sa mga kalsada maging sa mga paaralan. Marami sa mga kabataan ngayon ang sumasali sa ganitong klase ng samahan dahil sa tingin nila ay magiging ligtas sila sa mga karahasan at panghuhusga ng karamihan. Batay sa mga napapanood niyo sa mga telebisyon, maraming ng kabataan ang namatay dahil sa samahang ito. Maaaring namatay sa mga riot o dahil sa hazing.

Napapansin mo rin ba ng pagdami ng mga kababaihang lumolobo ang tiyan? Marahil ito na ang pinaka kalat na isyu ngayon tungkol sa mga kabataan. Ito ay bunga ng pakikipagrelasyon ng mga kabataan na walang kamalayan sa kanilang mga ginagawa. Mga kabataang gumawa ng Premarital sex o maagang pakikipagtalik na wala pa sa hustong gulang. Dahil na rin sa isyu na ito, napipilitan ang mga kababaihang nabubuntis na magpalaglag. Isa rin ang abortion sa mga napapanahong isyu tungkol sa mga kabataan. Pinpalaglag ng mga kababaihang buntis ang kanilang anak dahil takot pa sa responsibilidad na kanilang haharapin.

Isa pang dahilan kung bakit nawawalan na ng tiwala ang mga nakakatanda sa mga kabataan dahil na rin sa pagkasangkot nito sa maraming mga krimen at pagkalulong sa masamang bisyo. Ang mga kabataang nasa lansangan ang kadalasang nadadawit sa mga ganitong sitwasyon. Mga batang lansangan na natuturuan ng mabuhay sa dilim at kumapit sa patalim. Nalululong sa masamang bisyo upang punan ang kumakalam na tiyan. Kahit pilitin mang magbago ay babalik pa rin sa mga nakagawian.

Bilang isang kabataan, nais ko rin ng pagbabago. Nais kong maibalik ang dating lakas ng mga kabataan. Nais kong maibalik ang dating mga kabataang nagbabago ng lipunan sa magandang paraan.

Talumpati tungkol sa kabataan pag-asa ng bayan mula sa scribd.com

Batay sa kahulugan, bahagi, layunin at uri ng talumpati, narito ang isang halimbawa ng talumpati na pinamagatang Talumpati Para Sa Mga Kabataan. Ito ay isang halimbawa ng maikling talumpati tungkol sa kabataan ng sa Pilipinas. Ang talumpati tungkol sa pakikipagrelasyon at iwasan ang droga ay para maipakita na ang mga kabataan magpukos sa pag-abot ng kanilang pangarap dahil sila ang kinabukasan ng ating bayan.

Para Sa Iba Pang Filipino Lessons

Maliban sa Kahulugan ng Talumpati, narito ang ilan pa mga mga aralin na pwede niyong basahin.

Summary Sa Talumpati Kahulugan – Kahulugan, Halimbawa, Uri, Bahagi, At Layunin Ng Talumpati

Iyan ang mga detalye tungkol sa kung ano ang mga uri ng talumpati at kahulugan nito. Dagdag na rin ang mga bahagi, layunin at halimbawa na makakatulong sa inyo.

Nawa ay nabigyan namin kayo ng inspirasyon sa pamamagitan nitong kahulugan ng talumpati. Happy reading and God bless.

Inquiries

If you have any questions or suggestions about, Talumpati Kahulugan – Kahulugan, Halimbawa, Uri, Bahagi, At Layunin Ng Talumpati 2021 Let us know what you think about this post by leaving a comment below.

We are Proud Pinoy.

Leave a Comment