Kaibigan – Talumpati Ko – Talumpati Tungkol Sa Kaibigan

KAIBIGAN – TALUMPATI KO – TALUMPATI TUNGKOL SA KAIBIGAN – Sa araling ito inyong matutunghayan ang talumpating tungkol sa kaibigan ng makatang Pilipino. Ang halimbawa ng maikling talumpati ito ay nanggaling sa tunay na nadarama o galing sa puso ng sumulat.

Sana ito ay magsilbing inspirasyon sa ating lahat upang makahanap ng tunay at mapagmahal na kaibigan at hindi natin malilimutan kailanman. Pahalagahan at mahalin ang mga kaibigan kasama natin sa kalokohan man o sa iyakan at nagmamalasakit at nagmamahal sa atin.

KAIBIGAN - TALUMPATI TUNGKOL SA KAIBIGAN
KAIBIGAN – TALUMPATI TUNGKOL SA KAIBIGAN

Talumpati: Kaibigan – Talumpati Ko

Kaibigan – Talumpati ko

Sino nga ba sa ating ang walang tinuturing na kaibigan? Sinasabi nga na “No man is an island”. Hindi madaling mamuhay sa mundo kung wala kang kaibigang magmamahal, magpapatawa, mag aalaga at andyan para sayo.

Pera, yaman at popularidad ano nga ba ang halaga nito kung wala kang kaibigan? Oo, mayaman ka nga sa material na bagay ngunit, aanhin mo ba ito kung wala kang kaibigan na makakasama, diba malungkot? Kaya mahalaga ang pagkakaroon ng kaibigan, dahil mapupuno ka ng yaman sa pagmamahal. At kung dumating sa ating buhay ang isang kaibigan bigyan naman natin sila ng halaga dahil baka mawala pa sila sa atin.

Ang kaibigan ay bahagi na ng ating buhay. Minsan sila ang nagiging basehan kung sino at kung ano tayo. Sabi nga nila “Tell me who your friends are, and I tell you who you are”. Kung titingnan natin ang ganitong pananaw, masasabing dapat maging mapili tayo sa pagkakaroon ng kaibigan.

Ang pagkakaibigan ay isang samahan, na nagbibigay kulay sa ating buhay. Maraming pagkakaibigan ang nabubuo sa pagdaan ng panahon. Mayroong panandalian at mayroon din pang habangbuhay. Ngunit kahit gaano man ito kadali o katagal, ang mga magagandang alala at masalimuot na pinagdaan ng pinagsamahan ay mananatiling nakaukit sa ating mga puso’t isipan. Ang pagkakaibigan ay hindi lamang nandyan, upang magbigay ng kaligayahan, ngunit nandyan din upang ikaw ay sabayan, sa pagharap ng hamon at pagsubok ng ating buhay. Ang pagkakaibigan ay parang hangin, pwede mong maramdaman kahit kalian. Parang ibon na mahirap pakawalan. At parang isang agos na kay hirap pigilan. Ang pagkakaibigan ay hindi inaasahan itoy kusang dumadating at minsan ay nawawala. Dapat pahalagahan upang di mawala. Kailangan ng pasensya at tiwala sa isa’t isa. Minsan kailangan mong magparaya at intindihin.

Lahat ng tao pwede mong tawaging kaibigan, pero hindi lahat masasabe mong tunay.

Sino ba? O ano ba ang isang tunay na kaibigan?

Sila ba yung kasama mo sa inuman? Pag liban sa klase? Pag gagala? Ang tunay na kaibigan ay sinusubok ng bawat panahon at depende sa sitwasyon, maraming tao ang naghahanap ng totoong kaibigan na makakasama nila at magiging karamay nila sa anumang problema at kabiguan sa buhay. Mahirap makanap ng tunay na kaibigan at mabibilang mo ang mag tunay na mananatili sa iyo. Ang tunay na kaibigan ay magtatayo sa iyo sa araw na bumagsak ka at magsisilbi mong inspirasyon sa pag papatuloy sa buhay. Malaking bahagi sa buhay ng tao ang pagkakaroon ng tunay na kaibigan, sino bang ayaw?

Para sa akin ang isang tunay na kaibigan ay kasama mo sa panahon nang iyong kaligayahan at higit sa lahat sa iyong pangangailangan. Hinding hindi ako iiwan sa panahong pakiramdam ko mag-isa ako sa mundo. Hindi ako ipagpapalit kahit kanino. Masasabe kong hindi man ako kaswerte sa buhay pag-ibig, napaka-swerte ko naman sa mga kaibigan ko. 

Talumpati tungkol sa kaibigan tagalog ni Ivy B. Cabarda

Buod ng Talumpati

Ang talumpating ito ay isang halimbawa ng maikling talumpati tungkol sa kaibigan – talumpati ko. Isinasaad ng may akda na hindi madaling mamuhay sa mundo kung wala kang mga kaibigan yung tunay na kaibigan hindi basta kaibigan lang.

Kaibigan na mapagmamahal, pinapatawa ka, mag-aalaga sayo at laging andyan para sayo at higit sa lahat karamay mo sa mga pagsubok at sa kaligahan. Minsan kaibigan ang nagiging basehan kung sino talaga tayo at ang pagkakaibigan ang siyang nagbibigay ng kulay sa ating buhay. Ang tunay na kaibigan ay kasama natin sa oras ng pangangailangan at kaligayahan.

Aral ng Talumpati

Ang aral na makukuha sa maikling talumpati tungkol sa kaibigan – talumpati ko. Dapat pahalagahan at pakaingatan natin ang mga kaibigan na meron tayo upang hindi mawala. Dahil sa totoo lang napakahirap na ngayon humanap ng tunay na kaibigan.

Summary

Ang maikling talumpati tungkol sa kaibigan – talumpati ko ay magbibigay aral at inspirasyon sa atin upang maging mabuti tayong kaibigan sa ating mga kaibigan. Mahalin, pahalagahan at pakaingatan natin ang mga kaibigan na nagbibigay sa atin ng kasayahan .

Para Sa Iba Pang Tula,Talumpati At Filipino Lessons

Maliban sa halimbawa ng maikling talumpati tungkol sa totoo at mabuting kaibigan na pinamagatang “Kaibigan – Talumpati Ko” Narito naman ang ilang mga aralin na maaari ninyong basahin.

INQUIRES

Maraming salamat sa pagbasa ng Talumpati Tungkol Sa Kaibigan Para sa iba pang halimbawa ng talumpati tungkol sa kaibigan. Huwag kalimutang ibahagi ito sa iyong mga kaibigan. Basahin rin ang iba pa naming halimbawa at talumpati, dito lang sa ProudPinoy.ph!

We are proud Pinoy!

Leave a Comment