Sanaysay Tungkol Sa Pag ibig – 15 Maikling Sanaysay Tungkol Sa Pag ibig

SANAYSAY TUNGKOL SA PAG IBIG – Sa araling ito inyong matutunghayan ang ang mga kinalap at pinagsama-samang maikling sanaysay tungkol sa pag-ibig ng mga makatang Pilipino. Ang mga halimbawa ng maikling sanaysay tungkol sa tunay na pag-ibig sa pamilya, kasintahan at kapwa ay nanggaling sa mga tunay na nadarama at puso ng mga sumulat.

Ang pag-ibig ang pinakamagandang pakiramdam ng isang tao. Ito ang nagbibigay inspirasyon sa araw araw at nagpapakulay ng mundo. Bagaman ang umibig ang sadyang napakasarap sa pakiramdam lalo pa kung sinusuklian ito. Pero, kung hindi ka naman iniibig ng mahal mo e sorry ka na lang wala tayong magagawa diyan. Kaya kung may iniibig ka gawin mo ang lahat para mapasayo siya. Gamitin mo tong mga halimbawa ng maikling talumpati tungkol sa pag-ibig tiyak siya’y mapapa sayo.

Sana sa pamamagitan nitong mga sanaysay tungkol sa tunay na pag-ibig nawa ay maging inspirasyon natin ito para mahalin at pahalagahan ang ating asawa, kasintahan, pamilya at kapwa. Marahil ay makakarelate ka sa mga karanasan ng mga sumulat ng sanaysay tungkol sa pag-ibig.

See also: Talumpati Tungkol Sa Pag-ibig

Sanaysay Tungkol Sa Pag-ibig – 15 Halimbawa Ng Sanaysay Tungkol Sa Tunay Pag-ibig Sa Pamilya, Kapwa, At Kasintahan Tagalog

Time needed: 10 minutes.

Narito ang mga Halimbawa ng Sanaysay Tungkol sa Pag-ibig.

  1. Pag-ibig: Nag-aalab Na Damdamin

  2. Sanaysay Tungkol Sa Pag-ibig

    Sanaysay mula sa panitikan.com.ph

  3. Kapangyarihan Ng Pag-ibig

  4. Sanaysay Tungkol Sa Pag-ibig

    Sanaysay ni skyrain03

  5. Friendzone: Magmamahal Na Lang Sa Kaibigan Pa

  6. Pag-ibig Nga Ba?

  7. Ang Pag-ibig

  8. Sanaysay: Pag-ibig

  9. Pag-ibig, Pagmamahal At Pagkabigo… Handa Ka Bang Masaktan?

  10. Ang Kahulugan Ng Tunay Na Pag-ibig

  11. Sanaysay Sa Pag-ibig

  12. Karanasan Sa Pag-ibig

  13. Pag-ibig

    Sanaysay ni Yesah

  14. Pag-ibig

    Sanaysay mula sa conniejosh.myblogspot.blogspot.com

  15. Pag-ibig

    sanaysay mula sa scribd.com

Sanaysay Tungkol Sa Pag-ibig – 15 Halimbawa Ng Sanaysay Tungkol Sa Tunay Pag-ibig Sa Pamilya, Kapwa, At Kasintahan Tagalog

SANAYSAY TUNGKOL SA PAG-IBIG 2021 - 15 HALIMBAWA NG MAIKLING SANAYSAY TUNGKOL SA PAG-IBIG
SANAYSAY TUNGKOL SA PAG-IBIG 2021 – 15 HALIMBAWA NG MAIKLING SANAYSAY TUNGKOL SA PAG-IBIG

Ipagpatuloy lang ang pagbabasa hanggan sa dulo nang artikulong ito para makita mu ang mga nilalaman ng bawat isang maikling Sanaysay Tungkol sa Pag-ibig. Nawa kayo ay masiyahan at maging inspirasyon ang mababasa ninyong mga halimbawa ng sanaysay tungkol sa tunay na pag-ibig sa pamilya, kasintahan at kapwa.

Pag-ibig: Nag-aalab na Damdamin

Noong bata pa ako, itinuro sa akin ng aking mga magulangkung ano ang pag-ibig. Sabi nila, ito raw ang damdamin na nananalaytay sa pagitan ng bawat isa, sa pagitan ng ating mga magulang, mga kapatid at sa Diyos. Basta raw may pag-ibig laging magiging masaya at matiwasay ang pagsasama ng aming pamilya. Siguro nga, ito kasi ang pangunahing dahilan kung bakit simula noong tayo ay isinilang sa mundong ito, pag-ibig na ang naghahari sa ating mga puso.

Ngunit, habang humahaba ang paglalakbay natin sa buhay na itinakda para sa atin, aking napagtantao na ang lahat ng paninindigan natin tungkol sa pag-ibig ay nababago. Bunga na rin siguro ito ng mga karanasang nagpasaya, nagpalungkot o hindi kaya nakasakit sa ating mga damdamin. Sabi nga nila, karanasan daw ang nakapagpapabago sa pagtingin natin sa mga bagay-bagay. Oo, totoo iyon, dahil sa aking paglaki at pagtahak sa bawat karanasan, ang pag-ibig ay hindi na lamang basta sa pagitan ng isang pamilya kundi isa rin itong biyahe ng buhay na lahat tayo ay kinakailangang pagdaanan.

Isang bagay nga ang makapagbubuod kung ano ang pag-ibig para sa akin, at ito ay ang depinisyon ni Zoe Johnson sa pag-ibig. Ayon sa kanya, sa lahat ng damdamin tanging pag-ibig lamang ang nangingibabaw sa pamamagitan ng oras. Kaya nitong hamakin ang lahat ng bagay. Ito ang pinaka-makapangyarihang elemento ng buhay na nagbibigay ng sigla at kagalakan sa atin. Walang saysay ang buhay kung walang pag-ibig. Hindi sa lahat ng oras ay tao ang kinakailangang paglaanan nating nga ating pag-ibig, maari rin naman itong ilaan sa mga bagay na tunay na nakapagpapasaya sa atin. Sinabi rin ni Johnson na kahit na lahat ng kayamanan ay nasa iyo na, kung wala ka namang mahal sa buhay na makakasama upang matamasa ang sarap ng buhay na mayroon ka, ang lahat ng ito ay walang saysay. Ang pag-ibig ay isa raw paglalakbay sa buhay na isang masayang karanasan.

Isa pang paniniwalang aking pinanghahawakan ay nagmula sa liriko ng kanta ni KC Concepcion na nagsasabing ang pag-ibig ay hindi tulad sa isang pelikula. Totoo ito, karamihan kasi sa atin (lalo na ang mga kababaihan) ay inihahambing ang pag-ibig sa mga pelikula. Malayo ito sa katotohanan, dahil hindi sa lahat ng oras ay may magandang pagtatapos ang pag-iibigan. Marahil nga ay masarap tignan ang konsepto ng pag-ibig sa perspektibo ng pinilakang tabing, ngunit naniniwala ako na mas masarap itong maramdaman sa riyalidad. Maliban pa rito, naniniwala akong walang kahit isa sa atin ang nakakaalam kung ano ang storya ng pag-ibig na inilaan para sa atin, dahil ang Diyos lang ang sumusulat ng ating mga storya.

Sa kabilang dako, hindi lamang ang aking mga karanasan ang nagturo sa akin ng tunay na depinisyon ng pag-ibig. Nariyan rin ang institusyong aking pinanggalingan kung saan pinalawak at pinalinaw kung ano ang pag-ibig. Ayon sa aming pag-aaral sa wika noong ako ay nasa mataas na paaralan pa lamang, may iba’t ibang uri daw ng pag ibig:

Eros – pagmamahalan sa pagitan ng dalawang tao
Storge – pagmamahal sa pamilya
Philia – pagmamahal sa pagitan ng magkakaibigan
Agape – pagmamahal sa kapwa
Filia – nagmamahal sapagkat siya rin ay minamahal bilang kapalit.

Dahil sa mga kaalaman na ito na natutunan ko sa aking pamamalagi sa mundong kumanlong sa akin sa iilang taon kong pamumuhay natutunan ko na ang pag-ibig ay isang daan upang tayo lumago bilang isang indibidwal, ito rin ang makapagpapatibay kung ano tayo, sino tayo at ano ang ating kahihinatnatnan sa mundong ito dahil mayroong PAG-IBIG na naghahari sa ating mga puso.

Sanaysay tungkol sa pag-ibig tagalog ni Jerome Pamintuan

Ang sanaysay na pinamagatang Pag-ibig: Nag-aalab na Damdamin ay isang halimbawa ng maikling di pormal na sanaysay tungkol sa tunay na pag-ibig. Ang sanaysay na ito ay tungkol sa pag-ibig natin sa ating iniibig na asawa, kasintahan, kaibigan, kapwa, at pamilya.

Sanaysay Tungkol Sa Pag-ibig

Pag-ibig daw ang pinakamasarap na pakiramdam sa mundo ayon sa mga nakatatanda. Lahat daw ng tao ay iibig isang punto sa kanilang buhay. Mayroong isang tao o bagay na pagbubuhusan mo ng iyong pagmamahal at magiging mundo mo.

Sabi nga ng isang pamosong linya sa awit na isinulat ni Francisco Balagtas: “makapangyarihang pag-ibig, hahamakin ang lahat masunod ka lamang.” Kadalasan ay sumasaklaw ito sa dalawang taong nagmamahalan.

Ang pag-ibig na ipinakikita ng kaniyang kapareha ay walang katulad kaya naman anumang balakid at kaya nitong lampasan at harapin.

Gayunman, hindi lamang pag-ibig sa kapuwa tao ang nananaig sa mundo. May ilan na labis na iniibig ang kanilang mga sarili kaysa sa iba.

May ilan naman na mas iniibig ang mga materyal na bagay kaysa ang pagmamahal sa kapuwa. Ang labis na pag-ibig, kung minsan, ay nakapagdudulot din ng kasamaan sa iba.

Dahil sa labis na pagmamahal sa sarili ay nawawalan na tayo ng pagmamahal sa iba. At imbis na pagmamahal ang lumaganap, ay kasamaan pa ng tao ang namamayani.

Kung bawat isa ay malalaman ang tunay na diwa ng pag-ibig, tulad ng pag-ibig sa atin ng Maykapal, tiyak na magiging mapayapa at puno ng pagmamahal ang mundong ating ginagalawan.

Upang makamit ang kapayapaan, pag-ibig ang kailangan ng bawat tao, ang kailangan ng ating mundo.

Sanaysay tungkol sa kahalagahan ng pag-ibig mula sa panitikan.com.ph

Ang sanaysay na pinamagatang Sanaysay Tungkol Sa Pag-ibig ay isang halimbawa ng maikling di pormal na sanaysay tungkol sa tunay na pag-ibig. Ang sanaysay na ito ay tungkol sa pag-ibig natin sa ating iniibig na asawa, kasintahan, kaibigan, kapwa, at pamilya.

Kapangyarihan ng Pag-ibig

Walang perpektong bagay sa mundo. Walang kasiguraduhan. Oo, mayroon tayong patutunguhan at mayroong dahilan ang lahat ngunit wala ni isa sa atin ang nakakaalam ng kahihitnatnan.

PAG-IBIG –- naniniwala akong ito ang dahilan ng lahat ng bagay. Alam kong ang puso ang nagdidikta ng nararapat sa ating sarili. Yung pagmamahal na makukuha sa iisang tao na nilaan ng Diyos at magtuturo nang tamang kahulugan ng buhay.

Ang pag-ibig ay makikita at madarama saan ka man makarating. Kahit sa mga simpleng bagay na espesyal at kung minsan sa mga bagay na walang halaga ay naroon ang pag-ibig. Bunga ito lahat ng pagmamahalan. Napakamakapangyarihan ng pag-ibig. Kung titingnan natin ito ng mas malawak at mas malalim sa kung ano mang dapat ipakahulugan nito, tiyak lahat tayo ay mag-aasam na sana isang araw darating ang taong magiging kabiyak ng ating puso.

Wala sa edad, klase ng buhay o kasarian makikita ang pag-ibig. Hanggat may pagmamahalan na namamagitan sa dalawang tao iba man o parehas ang buhay na meron sila wala na dapat tayong itanong pa. Hindi na ako nagulat sa pag-ibig ngayon. Hindi na bago sa akin ang pagmamahalan ng isang matanda at bata, isang mahirap at mayaman o maging dalawang lalaki o babae. Natutuwa pa nga ako dahil sa kabila ng mapanghusgang lipunan nariyan pa rin ang mga taong may kakaibang pagmamahalan. Tinitiis ang bawat masasamang salita na namumutawi sa mga taong makitid ang utak na intindihin ang sitwasyon nila.

Isa pa sa kapangyarihan ng pag-ibig ang TADHANA. Wala ng tatalo sa pagtagpo ng dalawang puso dulot nito. Napakasarap isipin na may mga taong nagiging masaya at maligaya sa kapangyarihang ito. Naghintay ka o naghanap ngunit may isang bagay na makakagawa nito sa isang iglap lang. Nakakatawa man ngunit ito ang katotohanan.

Kung minsan, hindi lang kasiyahan ang dulot ng pag-ibig. Pumapasok ang iba’t ibang suliranin at problema. Ang kasawian at kalungkutan bunga nito. Minsan, negatibong tinuturing ang pagkakaroon ng pag-ibig sa mga taong takot na magmahal at ang masama pa’y sa mga taong takot na masaktan. May iba ngang naniniwala na kailangan nating sumugal sa pagmamahal. Tipong manalo man o matalo, bumalik man o tuluyang mawala yung itinaya natin wala dapat tayong pagsisihan. Yun daw ang tinatawag na UNCONDITIONAL LOVE.

Tunay ngang makapangyarihan ang pag-ibig. May mga panahong magsasakripisyo tayo para makamit ang kaligayahan o kung sinusuwerte ka madali mong mararamdaman ang magmahal at mahalin. Ngunit kung ano man ang magiging sitwasyon mo at magiging bunga nito; masama man o hindi ito ay dulot ng iyong malayang kaisipan at higit sa lahat ng iyong PUSO.

Sanaysay tungkol pag-ibig sa pamilya ni Anthony Rosales Sarino

Ang sanaysay na pinamagatang Kapangyarihan ng Pag-ibig ay isang halimbawa ng maikling di pormal na sanaysay tungkol sa tunay na pag-ibig. Ang sanaysay na ito ay tungkol sa pag-ibig natin sa ating iniibig na asawa, kasintahan, kaibigan, kapwa, at pamilya.

Sanaysay Tungkol Sa Pag-ibig

Walang perpektong bagay sa mundo. Walang kasiguraduhan. Oo, mayroon tayong patutunguhan at mayroong dahilan ang lahat ngunit wala ni isa sa atin ang nakakaalam ng kahihinatnan. Pag-ibig. Kadalasan kapag nakarinig tayo ng salitang pag-ibig ay isa lamang ang pumapasok sa ating isipan at iyon ay tayo ay nagmamahal. Marami rin namang uri ng pag-ibig sa mundo. Pag-ibig para sa pamilya, sa mga kaibigan, sa Diyos, sa sarili at sa taong gusto mong makasama habang buhay.

Karamihan sa atin ay mahilig sa mga kwentong pag-ibig hanggang sa punto na bawat isa sa atin ay naghahangad makatagpo ng isang tao na pupuno sa ating kakulangan. Ang taong magpaparamdaman sa atin kung gaano tayo kahalaga sa mundo. Taong magiging dahilan upang lubos na nating maintindihan ang kahulugan ng salitang kaligayahan.

Ngunit kapag tayo ay nagmamahal ay hindi natin maiiwasan na masaktan. Ang Pagkabigo sa ating buhay na nagpaparanas sa atin ng salitang kalungkutan. Kadalasan dahil sa sobrang pagkabigo ng isang tao sa pag-ibig ay nagawa nitong isawalang bahala ang mga pangarap sa buhay na siyang naging dahilan upang masira ang kinabukasan ng isang tao.

Sa katunayan, marami sa atin ngayon ang natatakot buksan muli ang puso dahil natatakot tayong masaktan muli sa pangalawang pagkakataon. Ngunit kapag hindi ka nasasaktan ay ibig sabihinin non ay hindi ka rin nagmamahal. Dahil ang pag-ibig hindi lamang puro saya at kilig ang iyong mararamdaman. At kapag nasasabi nating pag-ibig, kaakibat ng kasayahan ang kalungkutan. Ang bawat matatamis na ngiti sa labi ay katumbas nito ang pait.

Makapangyarihan ang pag-ibig. Alam naman natin yan lahat. Masasabi mong ang daling bigkasin ng salitang ito subalit napakalaking epekto ito sa iyo kapag nalaman mo na ang totoong kahulugan nito. Sa simpleng salita nito, hindi natin alam kung bakit nagagawa nitong kontrolin ang ating mundo.

Pag-ibig. Isa sa naging dalihan kung bakit nagagawa mo ang mga bagay na kahit kailan ay hindi mo naiisip na kaya mong gawin. Mga bagay na dating kinamumuhian mo ay hindi mo inaakalang ito ang nagpapasaya sa iyo ngayon. Mga bagay na kinaiinisan mo pero kapag ito ay nawala ay pilit mong binabalikan
Karamihan sa atin ay sinasabi natin na bakit pa nating kailangang balikan ang nakaraan kung ito ay nakaraan na at mananatili lamang nakaraan sa ating buhay. Siguro, masasabi natin tama nga naman pero hindi ibig sabihin na nakaraan na ito ay hindi na pwede pang balikbalikan dahil marami pa rin sa atin ang hindi pa nakakalimot sa mga nakaraang tayo mismo ang nagdadala sa kasalukuyan.

Kung pag-uusapan natin ang nakaraan, balikan muna natin ang mga kasaysayan at alamin kung ano ang nakakonekta nito sa kasalukuyan. Alam naman natin ang hirap na pinagdadaanan ng mga Pilipino simula pa lamang sa panahon ng mga kastila. At nakawala tayo sa kanilang mga kamay ngayong kasalukuyan dahil sa pagmamahal na kanilang ibinigay para sa ating bayan.

Kasama ng pag-ibig ang pagsasakripisyo. Katulad nga ng sinabi sa atin ng ating utak ng katipunan na si Emilio Jacinto na ang tunay na pag-ibig ay walang iba kundi ang makaakay sa Tao sa mga dakilang gawa sukdulang ikawala ng buhay sampu ng kaginhawaan.

Mahirap unawain ang lahat ng bagay lalo na kapag ikaw ay nagmamahal ng totoo, magagawa mong lumaban, isakripisyo ang iyong buhay para lamang sa mga bagay na matagal mo ng iningat-ingatan.

Isa rin sa mga sinabi ni Emilio Jacinto na ang katuwiran, ang katotohanan, ang kabutihan, ang kagandahan at ang kapwa tao ay siya lamang mangyayaring maging sanhi ng pag-ibig. Kung ang masama at matuwid ay ninanasa rin sa loob, hindi ang pag-ibig ang siyang maguudyok kundi ang kapalaran at kasakiman.

Hindi mo matatawag agad na pag-ibig na ang iyong nararamdaman dahil lamang ay ikaw na nagmamahal na. Nagmahal ka nga sa kanya at ginagawa mo ang lahat sa kanya at gusto mong ikaw lamang ang para sa kanya. Ngunit naiisip mo nga ba ang kanyang nararamdaman na sa tuwing pinipilit mo siya para sa iyo at alam mo bang sa bawat ngiti na ipinakita niya sa iyo, sa likod nito mayroong nakatagong kalungkutan at nasasaktan na siya sa iyong ginagawa dahil iba naman tinitibok ng kanyang puso at alam mong iba ang totoong makapagpasaya sa kanya at hindi ikaw yun. Sa ating pagmamahal sa isang tao ay pilit nating niloloko ang ating sarili, pilit pinapaniwala sa mga bagay na puno ng kasinungalingan lamang.

Matatawag mo ng pag-ibig ang iyong mararamdaman kapag handa ka ng harapin ang katotohanan na ibang tao ang makakapagbigay ng totoong ngiti sa kanya mga labi. Masasabi mong nagmahal ka kapag handa ka ng bumitiw sa kanya mga kamay.at tanggapin ang lahat ng katotohanan.

Masasabi natin na napakakomplikado talaga kapag ang isang tao ay nagmamahal, handang ibuhos ang oras upang makasama lamang siya, kakalimutan ang lahat ng kamaliang nagawa at kalalabanin ang lahat kahit panahon pa man ang magiging kalaban.

Alam ko namang meron tayong kasabihin na “Huwag sumuko” o sa inglis pa ay’ Never give up! Pero hindi naman lahat ng oras ay hindi tayo puwedeng sumuko. Ang pagsuko ay hindi ibig sabihin non ay naduduwag kang harapin ang lahat. Sumuko ka lang dahil iyon ang tama at iyon ang nararapat.

‘Paano mo makikita yung para sa iyo kung ayaw mong tantanan yang pinipilit mong maging iyo’lsa yan sa mga kasabihan na akin nabasa na nagpatatak sa aking isipan. Hindi umiikot ang mundo natin sa isang bagay at sa isang pag-ibig lamang. Huwag mong gawing sirado ang iyong puso dahil lamang sa mga pangyayari sa iyong buhay. Subukan mong tumingin-tingin sa iyong paligid baka nandiyan lang naman pala sa iyong tabi ang isang tao na para sayo.

Masasabi rin nating napakasarap kapag ikaw ay nagmamahal pero natatakot tayong masaktan. Hindi dapat tayo matakot na masaktan, Dahil wala namang pagmamahal na puro kaligayan lamang ang mangyayari. Nagmahal ka ibig sabihin non handa ka ng harapin ang masaktan para pagmamahal. Hindi pa naman natatapos ang buhay natin kapag nakaranas na ng kasakitan. Dahil lahat ng bagay ay may dahilan kung bakit tayo nasasaktan. At kapag nasaktan ka ay hindi iyon kawalan ng isang tao dahil marami pa naming darating sa iyong buhay hanggang masasabi mong siya na iyon ang para sa iyo.
At kapag nasasaktan ang isang tao huwag mong kalimutan na may nananatili paring nagmamahal sa iyo kahit andami ng kamalian ang iyong nagawa sa iyong buhay. Walang makakapantay sa pagmamahal ng isang magulang para sa kanyang anak.

Sabi nga ng isang kanta, ang pamilya ay pag-ibig Kahit hindi ka isang perpektong anak ay mamahalin ka parin ng iyong pamiya. Sila ang magbibigay ng lakas sa iyo at mananatiling nandiyan sa iyong tabi sa kabila ng iyong kabiguan.

Mahal tayo ng ating pamilya dahil sa simula palang sila na ang nagalaga sa atin hanggang sa tayo ay lumaki at namulat sa mundong ating kinagagalawan. Pamilya ang una nating pag-ibig kaya dapat hindi tayo magpapaapekto sa mga probemang dumating sa ating buhay. Dapat nating tandaan na ang pamilya ay palaging nasa ating tabi kahit ano pa man ang mangyayari.

Katulad nga ng mga liriko sa kantang Anak ni Freddie Aguilar, Bagong silang palang ng kanilang anak, ay makikitaan mo na ang mga magulang nito ng pagmamahal nila sa kanilang anak kahit na sinuway na nito ang kanilang payo noong Malaki na ang kanilang anak ay nalulong sa bisyo ay nagawa parin nila itong tanggapin dahil sa kabila ng lahat hindi nagbabago ang kanilang pagmamahal sa kanilang anak.

Ang Pag-ibig ay para sa lahat, walang pinipiling estado sa buhay. Hindi tinitingnan ang mga kamalian sa buhay. Hindi hinuhusgahan ang pagkatao at kilalanin ng buong puso ang isang tao.

Lahat naman tayo mayroong pagkakamali dito sa mundong ibabaw. At isa narin ito sa naging dahilan kaya nakaramdam tayo ng takot sa pagmamahal ng isang tao. Kadalasan iniiwasan ng isang tao ang umibig dahil sa sobrang takot na pumaibabaw sa kanyang puso. Pero ano nga ba ang magagawa natin. Ang pag-ibig sa isang tao ay hindi nauutusan, kusa lamang itong tumitibok para sa kanya. Nakakatakot pero nakakapagpasaya rin naman sa atin. Nagagawa nitong pasayahin tayo kahit sa maliliit na bagay lamang.

Ang pagmamahal sa isang tao ay walang hinihing kapalit, Makita ka lamang niya masaya ay sapat na at ikaw ay magiging masaya narin.

‘Kapag importante sayo ang isang tao, mahalin mo huwag mong iwanan at lalong huwag mong iwasan dahil sa bawat minutong pag-iwas mo, maraming pwedeng pagbabago na pwede mong pagsisihan’ Isa rin itong kasabihan na aking nabasa na nakakapukaw sa aking isipan

Kasama rin ang pagpapahalaga sa Pag-ibig, habang na sa iyo pa ang lahat ay dapat mo itong iningat-ingatan upang hindi mawala at wala kang pagsisihan sa bandang huli.

Sa Pag-ibig marami ang kinabibilangan nito, marami ang mga paraan upang maipakita mo ito. Ang pagmamahal, ang pagsasakripisyo, ang pagpapahalaga at higit sa lahat ang pagtitiwala.

Kadalasan kasi kaya hindi nawawala ang away dahil sa kulang na tiwala ang binigay nito sa kanya, nag-aaway dahil sa mga malabong usapan. Ang mga maliliit na bagay ngunit kadalasan pinapalaki lamang natin.

Mahalaga ang pagtitiwala sa ngalan ng pag-ibig dahil dito nasusubok ang inyong pagmamahalan, makikita dito ang pagpapahalaga sa bawat isa. Ang pagiging matatag hanggang sa bandang huli.

Hindi Komplikado ang pag-ibig, ang mga tao ang nagiging dahilan kaya ito nagiging komplikado dahil sa mga karanasan sa kanilang nangyayari.

Napakaraming kwento ng pag-ibig. Hindi ibig sabihin na nagmamahal kana ay yun na nagtatapos ang lahat. Dahil ang pagmamahalan ng isang tao ay ang pagsisimula pa lamang ng tunay na kwento para sa kanila, kung saan masusukat nito kung gaano kalaki ang pagmamahalan nila sa isa’t-isa.

Walang masama sa pagmamahalan ng isang tao, dahil nagmamahal ka lamang at isa ito sa nagiging dahilan kung bakit pa tayo humihinga hanggang ngayon, nanatiling buhay at ipinagpatuloy ang mga parangap natin sa buhay.

Ang pag-ibig at pagmamahal sa isang tao ay hindi nakikita sa panlabas na anyo kundi nakikita ito sa puso ng isang tao..

Sanaysay tungkol sa tunay na pag-ibig ni skyrain03

Ang sanaysay na pinamagatang Sanaysay Tungkol Sa Pag-ibig ay isang halimbawa ng maikling di pormal na sanaysay tungkol sa tunay na pag-ibig. Ang sanaysay na ito ay tungkol sa pag-ibig natin sa ating iniibig na asawa, kasintahan, kaibigan, kapwa, at pamilya.

Friendzone: Magmamahal na lang sa kaibigan pa

Ang susunod na babasahin ay walang intensyon manakit kundi manampal ng katotohanan. You’ve been warned.

Hindi ito kwentong barbers. Isa ‘tong maikling prosa kung bakit sa dinami-dami pa ng gugustuhin mo, at sa dinami-dami ng lalakeng/babaeng pwede mong pangarapin, e, ‘yong tao pang kaibigan lang ang turing sa’yo?

Kahit kailan, walang babae at lalakeng magkaibigan na walang nagaganap na malisya. Hindi palagi, pero may ‘minsan.’

Siguro, oo, minsan parang wala lang sa inyo, pero aminin mo na sa isang banda, nagkakaroon ng kulay ang pagsasama ninyo. Dahil nga babae, at lalake kayo. `Wag na tayong maggaguhan. Wag nating lokohin ang sarili natin na “Friends lang kami” samantalang minamanyak mo siya tuwing magkatabi; na tinitignan mo ang labi niya pag may chance; na nagnanakaw-tingin ka pag di siya nakatingin; at ini-stalk mo ang Facebook account niya at chini-check kung naka-like ba siya sa profile picture mo.

Wala naman talagang masama na mahalin ang kaibigan. Ang tanong, mahal ka ba niya?

Dito na nagkakatalo. Minsan kung sino pa ang taong nakasama mo nang pakatagal-tagal, at alam ang bango’t baho mo, sa kanya ka pa pinakamahihirapang magsabi ng totoong nararamdaman. Bakit? Kasi natatakot kang mawala siya dahil lang sa sinabi mong espesyal siya; nangangambang baka iwasan ka, at maiwan – edi nganga.

Mas masakit kung ang kaibigan mo, nagmahal ng iba. Isa to sa pinakamasakit na pinagdadaanan ng mga ‘friendzoned’ dahil una sa lahat, dahil nga kaibigan ka, ikaw ang unang-unang makakaalam kung gaano kamahal ng kaibigan mo ang isang tao… na hindi naman ikaw.

Ikaw ang unang sasabihan na type niya si…

Sa’yo siya hihingi ng payo.

Sa’yo hihingi ng motivation.

Ikaw lang ang makakakita kung paano siya kiligin na parang ipis.

Sa’yo siya magku-kuwento araw-araw kung ano nang balita sa panliligaw niya o sa manliligaw niya. Kaibigan ka, e; general rule na malaman mo ang lahat ng kaganapan sa buhay niya.

At halos mamatay ka sa selos kahit hindi naman dapat.

Pero ang mas dobleng sakit, e, ‘yong sinasarili mo ang selos dahil hindi mo naman masabi sa kaibigan mo kung ano talaga ang nararamdaman mo sa kabila ng lahat ng ‘yon. Hindi mo naman masasabing nasasaktan ka dahil alam mo na ikagugulo nito ang lahat; na sa huli, alam ng puso mo kung hanggang saan ka lang. Hindi niya man sabihin pero alam mo kung ano’ng lugar mo sa kanya. Tipong parang laser na pag hinamak mo, ikaw lang din ang masasaktan.

Isang matalik na kaibigan – hindi lang simpleng kakilala, pero hindi lubos para maging kasintahan.

Hindi mo matukoy kung ano’ng kulang para di umabot sa lebel na pinagdadasal mo tuwing simbang gabi. Kung ano pa ba ang hinanahanap niya para lang matipuhan ka. Kung kailangan mo ba siyang ihampas sa pader para matauhan siyang may tangang nagmamahal sa tulad niya – at ikaw ‘yon.

Pero dahil nga nakakatakot ma-inlab sa kaibigan, mas okay na lang sigurong manahimik. Para ka lang magba-bike sa Pacific Ocean; di mo pa nga nasusubukan, alam mong lalamunin ka na ng takot. At least pag magkaibigan, malaki ang tsansa mong makasama mo siya araw-araw, at makasundo.

Sakit lang sa ulo ang relasyon (sabi ng wala pang naka-relasyon). Higit sa lahat, itaga sa utak na may mga taong sinosyota at kinakaibigan lang. At desisyon mo na ‘yon kung may balak kang patunayan kung ano ka ba talaga.

Okay lang maiyak, frieeeeend.

Sanaysay tungkol sa pag-ibig sa kapwa ni Queenie Resmundo

Ang sanaysay na pinamagatang Friendzone: Magmamahal na lang sa kaibigan pa ay isang halimbawa ng maikling di pormal na sanaysay tungkol sa tunay na pag-ibig. Ang sanaysay na ito ay tungkol sa pag-ibig natin sa ating iniibig na asawa, kasintahan, kaibigan, kapwa, at pamilya.

Sanaysay

Sa buhay pag-ibig, maraming relate dyan, maraming gustong magkaroon nyan. Gustong mahanap yung isang taong pupuno at kukumpleto sa sarili nya. Taong handang mahalin sya, kung ano mano sino sya. At taong magpapatibok ng puso nya at masasabing “It’s the One.”

Pero masasabi mo bang puro kaligayahan lang sa pag-ibig? Diba’t darating din ang puntong masasaktan ka ng todo. Mahirap at masakit man pero, kailangan mo yung tanggapin. Dahil kasama yun pag nagmahal ka, yung tipong nasasaktan ka na, nagpapakamartir ka na, nagpapakatanga ka na, pero mahal na mahal mo pa rin. Yung halos lahat ginawa mo na, pero para sa kanya wala lang yun. Ginagawa mo yun dahil sa sobrang pagmamahal mo sa kanya. Ikaw nagmahal ka na ba? Nasaktan ka na ba? O nakasakit ka na ng damdamin ng iba?

Marami na kong narinig na kwento ng pag-ibig. Kadalasan, nagiging saksi pa nga ako. Masaya, nakakakilig at nakaka-inggit. Aminin natin, totoo yan, dahil tayo mismo, gusto din nating maramdaman yung nararamdaman ng mga taong inlove. Gusto din nating maranasan yun. Yung makakakita ka ng mga taong sobrang sweet sa paligid mo. Nakakainggit sila. Mahal na mahal nila yung isa’t isa, yung tipong kahit lagi silang nag-aaway at nagkakatampuhan, nag-babati pa din dahil alam nilang may pangako silang pinanghahawakan sa isa’t isa. Meron din naming mga taong takot magamahal, dahil takot silang masaktan at takot maiwan. Mga taong ayaw sumugal sa laro ng pag-ibig. At meron din namang taong kahit alam nyang talon a sya, sumugal pa din, handa syang masaktan para sa taong mahal nya, na kahit palayain nya ito para sumaya sa piling ng iba, gagawin nya. Meron din namang mga taong, ginagawang laro lang ang pag-ibig. Ginagawang laro lang lahat, na nakakasakit na ng damdamin ng iba, pero para sa kanila, tama yung ginagawa nila. At meron din namang, mga taong naniniwala sa “Destiny.” Ako. Isa ako sa mga taong yun. Dahil naniniwala ako na lahat ng tao, may kanya-kanyang taong itinadhana. Yung kahit anong mangyari at kahit saan ka man dalhin ng kapalaran, kayo pa din yung magkakatuluyan. Dahil lahat tayo may karapatang magmahal, mahalin at maging Masaya. Dahil tadhana na mismo ang maghahatid sayo sa taong mamahalin mo. Kaya wag kang magmadali, dahil lahat ng bagay dadating sa tamang panahon at oras. Tamang panahon para magkita kayo at tamang oras para magmahalan kayo. Yung kahit mala “Romeoand-Juliet” ang peg “You-ang-me-against-the-world.” Kayo pa din para sa isa’t isa.

At kung dumating man yung puntong nasaktan ka ng todo dahil sa nagmahal ka. Huwag mong sisihin yung taong nanakit at nang-iwan sayo. Kundi magpasalamat ka, dahil sa ginawa nya natuto ka mas lumakas ka. Huwag mong gamitin yung galit nay un para maghiganti sa kanya. Dahil may mga taong darating lang sa buhay natin para pasayahin tayo at pagkatapos nun, iiwanan na lang tayong nasasaktan at nakadapa. Pero may taong dadaan at aalalayan kang tumayo at pasasayahin kang muli, taong handang mahalin ka. 00, masarap magmahal pero, kung magmamahal ka, kahit konti manlang magtira ka sa sarili mo. Dahil pag-iniwan ka nya, paano ka na? Huwag mong sanayin yung sarili mo na umiikot lang ang mundo mo sa kanya. Dahil pag yung mundo mong yun nawala at nawasak, makakagalaw ka pa kaya? Dahil sabi nga, walang permanente ditto sa mundo, ang buhay nga natin walang forever, ang pag-ibig pa kaya? Pero sa kabila ng mga dahilang yan, may isang rason ka parin para sumugal sa laro ng pagibig. Huwag kang matakot makipagsapalaran sa laro ng pag-ibig, 00 matatalo ka sa una pero, malay mo sa pangalawang pagkakataon, manalo ka na, at doble pa. Kung gusto mo o mahal mo yung isang tao, huwag mong itago, sabihin mo sa kanya. Malay mo diba, gusto ka din pala nung tao, nag-aantayan lang kayo parehas. At malay mo sya na pala si “The One”. Sya na pala yung taong pangangakuan mo ng “I Do” at “Till Death Do us Part.”

Sanaysay tungkol sa pag-ibig tagalog ni AxeLa-eAm

Ang sanaysay na pinamagatang Sanaysay ay isang halimbawa ng maikling di pormal na sanaysay tungkol sa tunay na pag-ibig. Ang sanaysay na ito ay tungkol sa pag-ibig natin sa ating iniibig na asawa, kasintahan, kaibigan, kapwa, at pamilya.

Ang Pag-ibig

Sa lahat ng damdamin ng puso ng tao ay wala nang mahal at dakila na gaya ng pag-ibig.

Ang katwiran, ang katotohanan, ang kabutihan, ang kagandahan, ang Maykapal, at ang kapwa-tao ay siya lamang mangyayaring maging sanhi ng pag-ibig; siya lamang makapagpapabukal sa loob ng tunay at banal na pag-ibig. Kung ang masama at matuwid ay ninanasa rin ng loob, hindi ang pag-ibig ang tunay na siyang may udyok kundi ang kapalaluan at kasakiman.

Kung ang pag-ibig ay wala, ang mga bayan ay hindi magtatagal, at kara-karakang mapapawi sa balat ng lupa ang lahat ng pagkakapisan at pagkakaisa, at ang kabuhayan ay matutulad sa isang dahon ng kahoy na niluoy ng init at tinangay ng hanging mabilis.

Ang tunay na pag-ibig ay walang iba kundi iyong makaaakay sa tao sa mga dakilang gawa sukdulang ikawala ng buhay sampu ng kaginhawahan.

Ngunit ang kasakiman at ang katampalasanan ay nag-aanyo ring pag-ibig kung minsan, at kung magkagayon na ay libu-libong mararawal na kapakinabangan ang nakakapalit ng gapatak na pagkakawanggawa na nagiging tabing pa mandin ng kalupitan at ng masakim na pag-iimbot. Sa aba ng mga bulag na isip na nararahuyo sa ganitong pag-ibig.

Ang pag-ibig – wala na kundi ang pag-ibig na tanging binabalungan ng matatamis na alaala sa nagdaan at ng pag-asa naman sa darating. Sa malawak na dagat ng ating mga kahirapan at pagkadusta, ang pag-ibig ay siyang nagiging dahilan lamang kung kaya natin minamahal pa ang buhay. Kung ang magulang ay walang pag-ibig sa anak, sino ang magbabatang mag-iiwi sa mga sanggol? At mabubuhay naman kaya ang mga anak sa sarili lamang nila?

Kung ang anak kaya naman ay walang pag-ibig sa magulang, sino ang magiging alalay at tungkod ng katandaan? Ang kamatayan ay lalo pang matamis kaysa buhay para sa matandang nangangatal ang tuhod at nanlalabo ang pagod na mga mata ay wala nang malingapang mag-aakay at makaaaliw sa kanyang kahinaan.

Ang pagkahabag sa ating mga kapwa na inilugmok ng sawing kapalaran hanggang sa tayo’y mahikayat na sila’y bahaginan ng kaunting kaluwagan ang ating pagtatanggol sa naapi hanggang sa isapanganib at idamay natin ang ating buhay; ang pagkakawanggawa sa lahat kung tunay na umusbong sa puso, alin kaya ang pinagbuhatan kundi ang pag-ibig?

Ang tunay na pag-ibig ay walang ibinubunga kundi ang tunay na ligaya at kaginhawahan.

Kailanpama’t sapin-sapin ang dusang pinapasan ng bayani, at ang kanyang buhay ay nalipos ng karukhaan at lungkot, ang dahilan ay sapagkat hindi ang tunay na pag-ibig ang naghahari kundi ang taksil na pita sa yama’t bulaang karangalan.

Sa aba ng mga bayang hindi pinamamahayan ng wagas at taimtim na pag-ibig!

Sa pag-ibig nunukal ang kinakailangang pagdadamayan at pagkakaisang magbibigay ng di-maihahapay na lakas na kailangan sa pagsasanggalang ng matuwid.

Sa aba ng mga bayang hindi pinamamahayan ng pag-ibig at binubulag ng hamak na pagsasarili. Ang masasama ay walang ibang ninanasa kundi ang ganitong kalagayan. Gumagawa ng daan tungo sa pag-aalitan, kaguluhan, pagtataniman, at pagpapatayan sapagkat kinakailangan ng kanilang kasamaan. Ang hangarin nila ay mapagbukud-bukod ang mga mamamayan upang kung mahina na at dukha dahil sa pag-iiringan, sila ay makapagpapasasa sa kanilang kahinaan at karupukan.

Oh! Sino ang makapagsasaysay ng mga himalang gawa ng pag-ibig?

Ang pagkakaisa na siyang kauna-unahang bunga niya ay isang lakas at kabuhuyan, at kung nagkakaisa na’t nag-iibigan, ang lalong malalaking hirap ay nagiging maagang pasanin, at ang munting ligaya’y matimyas na nalalasap. Kung bakit nangyari ang ganito ay hindi matatalos ng mga pusong hindi nakadarama ng tunay na pag-ibig.

At upang mapagkilalang magaling na ang pag-ibig ay siya ngang susi at mutya ng kapayapaan at ligaya. Ikaw na bumabasa nito, mapagnanakawan mo kaya, mapagdadayaan o matatampalasan mo kaya ang iyong ina’t mga kapatid? Hindi, pagkat sila’y iniibig, at sa halip ay dadamayan mo ng iyong dugo at sampu ng buhay kung sila’y nakikitang inaapi ng iba.

Gayundin naman, kung ang lahat ay mag-iibigan at magpapalagayang tunay na magkakapatid, mawawala ang lahat ng mga pag-aapihan na nagbibigay ng madlang pasakit at di-mabatang mga kapaitan.

Kung ang pag-ibig sa kapwa ay wala, nilulunod ng malabis na pagsasarili ang magagandang akala. Ipapalagay na may tapat na nais at tatawaging marurunong ang mabuting magparaan upang matamasa sa dagta ng iba, at ituturing na hangal yaong marunong dumamay sa kapighatian at pagkaapi ng kanyang mga kapatid.

Maling mga isip at ligaw na loob ang manambitan sa mga hirap ng tao sa inaakalang walang katapusan. Sukat ang matutong magmahal at manariwang muli sa mga puso ang wagas na pag-ibig sa kapwa, at ang tinatawag na bayan ng hinagpis ay matutulad sa tunay na paraiso.

Sanaysay tungkol sa kahalagahan ng pag-ibig ni Emilio Jacinto

Ang sanaysay na pinamagatang Ang Pag-ibig ay isang halimbawa ng maikling di pormal na sanaysay tungkol sa tunay na pag-ibig. Ang sanaysay na ito ay tungkol sa pag-ibig natin sa ating iniibig na asawa, kasintahan, kaibigan, kapwa, at pamilya.

Sanaysay: Pag- ibig

Nagkatagpo… nagkakilala… nagmahal… nagsakripisyo… lumigaya… nasaktan… at muling umibig… nakaramdam ng kaligayahan… nangako… ngunit nasaktan muli… at pagkatapos, nagmahal. Isang siklong paulit- ulit lamang lulan ng katauhang nagnanasa ng kaligayahang hindi kayang tumbasan ng sanlibung paghalakhak. Ang walang kapagurang bibig na walang humpay sa pagsambit ng pangalang di mawari kung ano nga ba ang kahulugan ng isang katauhang uhaw sa konseptong tanging ang mga nagmamahal lang daw ang nakaaalam.

Naririnig mo ba ang tinig na sinasambit nang palagian ng iyong puso? Ang pangalang tumatak sa mura mo pang isipan? Ang nakababaliw na indayog ng pagngiti mong hindi mawari ang dahilan? Ang walang kapantay na pangarap na inilalaan sa tinitibok ng iyong puso?

“Walang imposible sa taong nagmamahal…”, isang konseptong kinababaliwang paniwalaan ng isang gaya kong nakatagpo ng minamahal, na noong una’y parang isang supling ng halamang sumibol sa maling panahon. Mahirap paniwalaan na ang dating alikabok na ipinagtutulakan mo palayo ay nagmistulang kawangis ng hanging gusto mong langhapin. Noong una’y tila pangarap lamang ang lahat, kahibangan nga raw ika nga nila. Nakatatawa pero kapag sinubukan mo palang pakinggan ang musikang likha ng yong puso’y kusa na lamang sasaliw sa indayog ang iyong pagkatao, mga lirikong gumuguhit sa ‘yong imahinasyo’t mag-aanyong larawan ng isang binibini. Isang Pilipinang mayroong natatanging gandang mas namukadkad pang lalo dahil sa pag- ibig.

Inisip… ibinulong… sinambit… isinigaw… ang damdaming nagbabadya ng magpakilala. “Ako nga pala si…” isang pagpapakilalang naging mitsa upang tuluyang magising ang nahihimlay pang damdamin. Hindi ba’t kapansin- pansin sa mga lalake ang isang pagkilos na nagpakikita ng kaseryosohan? Isang pagtatangkang pagtatapat ng nararamdaman? Oo, hindi birong magsabi ng iyong ninanais lalo pa’t hindi ka pa sanay sa ganitong gawain. Nakakapanginig, nakangangatal ng tinig at nakapangangalos ang tila isang pakikipagbuno sa iyong nararamdaman. “Pwede bang… gusto ko sanang… maaari kayang…” , mga katagang malabumbilyang iindap- indap na wari’y itinutulak pa ang susunod na sasambitin.

Kolehiyo, ang baitang kung saan ko nakilala si Chian, isang babaeng hindi ko naman pinangarap subalit gaya ng paghiwalay ng dahon sa kanyang sanga, kusa itong naganap. Larawan ng isang babaeng pupuno sa kasiyahang tumakas sa aking pagkatao. Hindi gaya ng karaniwang nangyayari sa isang relasyon, parang naging mabilis ang lahat hanggang sa mahantong sa lebel kong saan tila nasagot na ang katanungang matagal ko ng hinahanap. “Ang pag- ibig ay hindi laro,” hindi isang paligsahan sa patagalang magtago ng nararamdaman. Bawat galaw ng mahaba’t maikling kamay ng orasan ay nakapagtatakang hindi nababago ang paggalaw ng paligid. Sanda- sandali’y bumabagal ang mga bagay subalit kasalungat nito’y pabilis ng pabilis ang pagtibok ng aking puso. Ganito ba ang pakiramdam ng nagmamahal? Yung tipong inaangkin mo pati ang oras? Makasarili na kung makasarili! Hindi ba’t nasubakan mo ring isipin na sana huminto ang lahat? Hindi ba’t ginusto mo ring sana’y hindi na matapos ang masasayang sandaling inyong pinagsasamahan? Kung oo’y isa ka sa aming samahan, samahan ng mga taong naniniwala sa mahikang taglay ng pagmamahal.

“You say it best, when you say nothing at all…”

Kaligayahan. “Pagngiti… pagngisi… pagtawa… paghalakhak…” isang mahiwagang kataga na tanging ang mga taong nakalilimot lang sa problema ang nakaaalam. Sa mga sandaling naramdaman kong may isang taong tumanggap sa akin, nagpahalaga, nagpaligaya, nagmahal ay kaybilis kong napagtanto na kompleto na ang aking buhay. Nakatutuwang isiping ang isang babaeng inilarawan ng aking isipan bilang isang maliit, bahagyang singkit ang mata, maputi, mahaba ang buhok ang dalagang pag-aalayan ko ng aking pagsinta, ang paggugugulan ko ng atensyon at panahon, ang papangarapin kong makasama habang buhay. Posible bang makaramdam ng saya kahit pa nakikita mo lang siya? Naiisip? “Ako si Marvin…” ang bungad kong salita bago ko makilala ang kaligayahan. Kaligayahang hindi na kailangan ng malalambing na salita kundi sapat na ang simpleng pagtititigan na sinasaliwan ng kilos at sa gayong senaryo’y unti- unting dadaloy sa iyong buong pagkatao ang kaligayahang bunga ng iyong hinahangad.

Pag-aalay. “Para sa’yo… mula sa… tanggapin mo…” nakatatawang isiping ang isang materyal na bagay na kayang bilhin ng salapi’y maaari palang mabago’t maging pag- ibig. Isang bagay na bumubuhay sa pag- asang babalik ng muli sa aking sarili ang isang pangakong, “handa na akong umibig muli.”

Hunyo dalawampo hanggang Hunyo dalawampu’t isa, dalawang magkasunod na araw nang walang katapusang paghalakhak ng dalawang pusong sinisimulan ng pagtaliin ng kapalaran. Tuwing sasapit ang dalawang araw na ito’y palihim akong sumisilip sa aking sarili kung lubusan ko na nga ba itong kilala. Ako si Marvin… ang salitang nagpapakilala kung sino ako subalit sa mga sandaling iyon, sa kauna- unahang pagkakataon, nagbaba ng kasagutan ang langit, nakatanggap ako ng isang regalo, keyk at isang matamis na pagbati. Doon ko nakita ang aking sariling daha- dahang ngumingiti dahil sa sobrang pagkagalak hanggang sa tuluyan ko siyang ipagitna sa aking magkabilang bisig. Siguro’y nalalaman n’yo na ang ibig kong sabihin, isang kaisipang nararamdaman mong papataas na dumadaloy ang kaligayahan hanggang sa pinakang dulo ng iyong pagkatao. At sa wakas ay nagkaroon din ng saysay ang buhay kong noo’y inaakala kong wala ng destinasyon.

Kalungkutan. “Hindi purong kaligayahan ang pag- ibig, hindi purong masasayang alaalang bibitbitin mo sa hinaharap. Tulad ng asukal na nahalo sa barakong kape’y nangingibabaw ang pait. Damdaming hindi mo gugustuhing dumating. Kung maaari lang sigurong pumili ng sariling sangkap sa pagtitimpla ng nararamdama’y magiging maayos ang lahat. Na sa isang pitik lamang ay maaari mong baguhin ang lasa. Ganito ang masaktan. Dahan- dahang pumupunit at naghihiwalay sa damdaming iyong pinakaiingatan. Na kahit saan ka magtago’y maaabutan ka. Makadurog puso! Makalaglag luha! Masakit hindi ba? Mahapdi? Iyan ang katotohanan. Hindi mo makikilala ang kaligayahan kung hindi mo makakatagpo ang kalungkutan. Ano ang dapat mong gawin? Ipagpasa- Diyos, umisip ng paraan at gawin kung ano ang tama/nararapat at tiyak magiging maaayos din ang lahat kung paglalaanan mo ng panahon at pagkilos.

Walang hanggan. Lahat ng bagay ay may katapusan, may hangganan, may dulo subalit pakatandaang kahit pa ang lahat ay lilisan at maglalaho’y may mga bagay na hindi kailanman mawawala, ang alaalang maiiwan sa puso’t isipan ng mga taong maiiwa’t magpapatuloy ng iyong nasimulan, ang mga tao sa henerasyong pinanday ninyong magkasama. Chian… ang pangalang hinding hindi ko malilimutan at dadalhin hanggang sa kabilang buhay. Ang mga nangyari’t naganap sa nakaraa’y patuloy parin naming dala- dala sa kasalukuyan, ang lungkot, pasakit, pag- asa, ligaya at pagmamahal. Anumang problemang aming pinagdaana’y heto kami’t patuloy na nilalasap ang biyaya ng Maykapal. “Mahal tayo ng Diyos”. Walang bagay nga raw ang ibinigay sa ating hindi natin kayang gawan ng solusyon. “May plano ang Diyos sa lahat”, planong walang nakaaalam, planong papanday sa bawat tao upang maging mas matatag.

Kasalukuyan. “Masaya… nangangarap… nagmamahalan…” sa pahinang amin ng nasimulan ng magkasama. Sa bawat pahinang punong- puno ng alaala. Ang dahilan kung bakit mas tumitibay ang aming pisikal, intelektuwal at espirituwal na katauhan ay hindi lang dahil sa pag- ibig kundi kaakibat nito ang pagtitwala at ang hindi paglimot sa kanya. Naniniwala ako, naniniwala siya na habang nasa gitna ng aming pag-iibigan ang Maykapal ay mas tatayog ang aming pagmamahalan. Heto kami’t patuloy sa pagsulat sa kapalarang nakatakdang maganap. Mah… bosss… ehtek… buleletz…. Chian… mahal ko… mga katawagang patuloy na nagpapaalala’t nagpapatunay sa aking mayroong “FOREVER”.

Krrrrring…. Krrrrring…. “Hello! Heloo Mah…”

Sanaysay tungkol sa pag-ibig sa pamilya ni Nivram

Ang sanaysay na pinamagatang Sanaysay: Pag-ibig ay isang halimbawa ng maikling di pormal na sanaysay tungkol sa tunay na pag-ibig. Ang sanaysay na ito ay tungkol sa pag-ibig natin sa ating iniibig na asawa, kasintahan, kaibigan, kapwa, at pamilya.

Sanaysay Tungkol Sa Pag-ibig – 15 Halimbawa Ng Sanaysay Tungkol Sa Tunay Pag-ibig Sa Pamilya, Kapwa, At Kasintahan Tagalog

Pag-Ibig, Pagmamahal at Pagkabigo… Handa ka bang Masaktan?

The greater your capacity to love, the greater your capacity to feel the pain.

~ Jennifer Aniston

Naranasan mo na ba ang paulit-ulit na pagkabigo at paulit-ulit na nasaktan? Dahil lamang sa ikaw ay nagmamahal nang lubusan?

Sa isang relasyon na halos ginagawa mo na ang lahat, upang ito’y maging maayos at magkaroon ng katuparan. Ang bawat pangarap na magkasama ninyong binuo; pangarap na umaasang balang araw ito’y matutupad, pagdating ng tamang panahon. Sa pakikipagrelasyon sa larangan ng pag-ibig, kaakibat nito ang saya at kaligayahan. Sa bawat matatamis na mga ngiti ng labi ito’y masasalamin; mga wagas na pagmamahalan na akala mo ay wala ng katapusan. Aminin man natin o hindi, meron kasabihan na “The more you love, the more you are prone to have pain”. “Oo”. Dahil kung hindi ka masasaktan meaning hindi ka rin nagmamahal. “Vice versa”. Ang bawat matatamis na ngiti; katumbas ay pait.

Ang bawat pagmahahalan ng isang magkareslasyon, hindi puwedeng mawala ang pagsubok. Pagsubok sa kung saan ay sinusukat ang bawat isa; sinusukat kung hanggang saan ang hangganan ng pagmamahalan sa bawat isa. Sa ngalan ng pag-ibig, ika nga sabi nila ay “hahamakin ang lahat masunod ka lamang”. Pero ang tanong, hanggang saan ka nga ba? Masakit ang masaktan dulot ng pagmamahalan.

Sa bawat tahimik na pagpatak ng bawat mga luha; ‘yong tipong halos mag-collapse ka na dahil hirap ka huminga. Para ka na nga’ng ‘zombie’, dahil nanlalalim na ang iyong mga mata; ikaw ba naman ang halos ‘di makakain at makatulog, ewan ko lang kung ‘yong pangarap mo na “diet” at “5lbs.” na gusto mo ma reach ay di mo pa makamit! Andun iyong wala ka na sa iyong sarili, na muntikan ng dahilan para ika’y masagasaan. Tulala ka kasi eh! Ewan ko kung saang universe ang utak mo nakarating hmmp! Marami pa ang mga bagay na hindi magandang nangyayari sa atin dahil sa ngalan ng pag-ibig o pagmamahal; kapag ikaw ay nasaktan o nakaranas ng kabiguan.

Naisip mo na din ba ang sumuko na? Iyong akala mo ay sinumpa ka na ng tadhana? Malamang ang sagot mo, “oo”, ayaw ko na! Dumating ka sa point na “ano ba ang aking kasalanan? may pagkukulang ba akong nagawa?”. Of course wala! Eh, syempre sarili natin ang tinatanong natin eh (lalo na kung ma pride tayo hindi natin maamin sa ating sarili) Ganito lang iyon eh! “Hoy, Pachuchay! Huwag ka nga magdrama”.

Tandaan mo na kapag malas ka sa pag-ibig o mga lalaki, isipin mo na swerte ka pa rin! Hmmp!…..’swerte? Alam mo ba ang sinasabi mo? Oo! Kasi kahit papano ay nakaranas ka magmahal at ang mahalin; samantalang ako menopause na, virgin pa din! Hahaha!…. oo nga ‘noh? Ano ba talaga ang problema? Wagas ka naman magmahal! Ahh… siguro sadyang malas lang talaga pagdating sa larangan ng pag-ibig. Bitter ka dahil bakit ikaw pa na mabait ka naman at at walang inaagrabyadong tao, pero madalas ka pagkaitan ng panahon upang ika’y lubos na lumigaya. Iyong pagiging loyal mo balewala na, naging royal true orange na!

Pero dahil tao ka lang, at gusto mo makaranas ng wagas at totoong pagmamahal; ang gawing makulay ang napakalungkot mong buhay, ito ka ngayon at sumubok na naman na magmahal ulit. Nakakapagod din ‘di ba? Pero lagi mong iniisip na baka sya na nga, iyong tao na sagot sa panalangin mo. At in return ay mamahalin ka din ng taos puso at hindi ka sasaktan. Ang pag-ibig ay isang sugal. Kailangan natin ang sumugal, ang buksan ang ating isip; sa mga bagay na puede makatulong upang mapaunlad ang isang relasyon. Ang sugal ay meron pagkatalo at meron din panalo, malay natin at tayo ay nanalo pala sa labang iyon. Kapag naman natalo, ito ka at iiyak na lang sa isang tabi. Mag iisip at babangon ulit para buuin naman ang sarili na minsan na naman winasak ng dahil sa pag-ibig.

Madalas, dahil sa kagustuhan natin na ayusin ang lahat; dahil sa pagmamahal at mga pangarap. Ito ka at lagi umuunawa, at umaasa. Umaasa na malampasan lahat ng pagsubok.

Nang dahil sa pagmamahal, halos kainin mo na ang sarilimg pride, pero hindi katangahan iyon (take note). Gagawin mo ang mga bagay na akala mo hindi mo kayang gawin, pero nagawa mo alang-alang sa ngalan ng pag-ibig sa taong mahal mo.

Pero, dumadating ka din ba sa point na halos natatakot ka na? Sa mga ginagawa mo at sa mga nangyayari?

Natatakot ka na baka isang araw, magising ka na naman ulit at magtataka ka; at meron ka na naman kakaibang nararamdaman. Pakiramdam na parang wala na iyong “pain” at parang balewala na lang lahat. Dahil sa sobrang sakit, na iyong nararamdaman na sa t’wina meron hindi pagkakaunawaan. Halos na immune ka na, at sasagi na naman sa iyong isip ang mga nakalipas na mga pangyayari. Kung paano ka exactly na fall out of love. Kasabihan nga na hindi sa lahat ng oras, hawak natin ang ating mga puso, sila ay may sariling isip na puede magdikta sa atin thru our emotion.

Hindi ba puwede na puro na lang pagmamahal, ang dapat na pairalin? Nang sa gayon ay walang nasasaktan na damdamin? Hindi puwede! Dahil kapag hindi ka marunong magmahal hindi ka rin masasaktan. At hindi ba puwede pagtagpuin kapwa, iyong mga taong hindi kayang manakit ng damdamin? Nang taong mahal niya? Nang sa ganun pareho nilang iingatan ang pagmamahalan nilang dalawa?

Iyong parehong merong malawak na pang-unawa sa ngalan ng pag-ibig at pakikipagrelasyon? Iyong parehong nakakaunawa, sa bawat pagkukulang at pagkakamali ng isa’t-isa? Pero, siguro nga hindi puwede ang ganun. Dahil kailangang maranasan ng bawat relasyon, ang sakit para makamtan nila ang tunay na ligaya; at kahalagahan ng bawat isa.

Iyong kaligayahan at na dulot ng wagas na pagmamahalan, na hinubog na ng panahon; at hindi na kayang buwagin, ng kahit na anong unos pa dumating. dahil meron na itong ugat na malalim, na nagpapatibay sa lahat. Pagdating ng araw…… Sa pagdating ng tamang panahon.

Sanaysay tungkol sa tunay na pag-ibig ni Dhors mula sa DefinitelyFilipino.com

Ang sanaysay na pinamagatang Pag-Ibig, Pagmamahal at Pagkabigo… Handa ka bang Masaktan? ay isang halimbawa ng maikling di pormal na sanaysay tungkol sa tunay na pag-ibig. Ang sanaysay na ito ay tungkol sa pag-ibig natin sa ating iniibig na asawa, kasintahan, kaibigan, kapwa, at pamilya.

“Ang Kahulugan ng Tunay na Pag-ibig”

Sa buhay pag-ibig iba-iba ang nararamdaman masaya,malungkot at nagdurusa may mga katanungang hinahanap parin ang mga kasagutan. May mga gimik upang ipakita at ipadama ang nararamdaman sa sinisinta. Ngunit marami parin ang naguguluhan kung ano ba ang tunay na pag-ibig?

Kung ako ang tatanungin kung ano ang kahulugan ng tunay na pag-ibig. Ang pag-ibig ay isang kaligayahan sa piling ng iyong minahamal. Gagawin mo ang lahat masunod lang ang iyong puso. Baliw pa nga kung tawagin ng iba, dahil di mo kayang mawala siya sa piling mo. Kaya kung natagpuan mo na ang iyong tunay na pag-ibig, mahalin mo siya at ipangako na siya lang pakamamahalin habang buhay.

Kaya sa aking pagtatapos, lagi nating tatandaan, sa buhay pag-ibig dalawa lang ang kinahahatnan ang lumigaya at ang masaktan, kaya huwag umasa, huwag magpaasa upang maiwasan na masaktan at nang may masaktan.

Sanaysay tungkol sa pag-ibig sa kapwa mula sa Share your Essay with us.

Ang sanaysay na pinamagatang “Ang Kahulugan ng Tunay na Pag-ibig” ay isang halimbawa ng maikling di pormal na sanaysay tungkol sa tunay na pag-ibig. Ang sanaysay na ito ay tungkol sa pag-ibig natin sa ating iniibig na asawa, kasintahan, kaibigan, kapwa, at pamilya.

Sanaysay sa Pag-ibig

Maraming uri ng pag-ibig sa mundo. Pag-ibig para sa pamilya, sa mga kaibigan, sa Diyos at sa taong gusto mong makasama pang-habang buhay. Hindi naman daw mahirap hanapin ang taong bubuo sa buhay natin. Kailangan lang natin maghintay na kusa siyang dumating.

May pag-ibig na handang isuko ang lahat sumaya lang ang taong mahal niya. Kaya tayo nagpaparaya ay dahil ayaw natin ikulong ang isang tao sa pag-ibig natin. Pagdating kasi sa love, hangga’t hindi ka niya matutunang mahalin ay hindi siya sasaya sa piling mo. Ano ba ang mas gusto natin? Yung katabi nga natin siya, ngunit hindi siya masaya, o yung malayo man siya sa piling mo alam mong masaya na siya kahit sa piling ng iba?

May pag-ibig na naghahangad ng pangalawang pagkakataon. Pero hindi naman lahat ng tao nabibigyan ng second chance. Kung isa ka man sa maswerteng nabigyan, pwes wag mo nang sayangin yun. Binigyan ka ng isa pang pagkakataon dahil MAHAL KA NG TAONG MAHAL MO. At handa niyang kalimutan ang mga ginawa mo sa kanya noon.

May pag-ibig na mali sa mata ng marami. Yung pag-ibig na tama pero nasa maling pagkakataon. Dito pumapasok ang pagiging 2 timer. Maaaring may gusto ka sa kanya pero may iba na siya, o ikaw naman ang may iba, pero gusto niyo parin ang isa’t isa. Ikaw ay nasa maling pagkakataon. Lagi mong isipin na may girlfriend o boyfriend kana, bago pumatol sa iba.

May pag-ibig na nagsimula sa matagal na pagkakaibigan, at kalaunan ay nahulog ang damdamin sa bestfriend niya. Ang pinakamatibay daw na pondasyon ng pag-ibig ay ang pagkakaibigan, meron kasi itong TIWALA at matagal nang NAPATUNAYAN. Marami ang ayaw tanggapin ang pag-ibi ng bestfriend nila, dahil ang relasyon daw ay maaaring masira sa isang maling gawa, pero ang pagkakaibigan, pwede yang habang buhay. Ikaw, ano ba ang pipiliin mo? Yung relasyon niyo ni Bestfriend na maaaring magkalamat, o mas mahalaga sayo ang friendship?

Sanaysay tungkol sa pag-ibig tagalog ni TellMeWhereToStart mula sa Wattpad

Ang sanaysay na pinamagatang Sanaysay sa Pag-ibig ay isang halimbawa ng maikling di pormal na sanaysay tungkol sa tunay na pag-ibig. Ang sanaysay na ito ay tungkol sa pag-ibig natin sa ating iniibig na asawa, kasintahan, kaibigan, kapwa, at pamilya.

” Karanasan sa Pag-ibig “

Minsan, may isang tao sa ating buhay na nagpapakita ng kakaibang klase ng pagmamahal.Pagmamahal na ipaparamdam sayo na mahalaga ka sa buhay ng isang tao. Pagmamahal nanagbibigay ng kakaibang pag-aalaga sayo. Pagmamahal na nagbibigay ng inspirasyon upangmagawa ang mga bagay na sa tingin mo ay imposible hanggang sa dumating ang pagkakataon naang taong nagpaparamdam sayo ng kakaibang pagmamahal, ay hindi mo na rin kayang bitawan.

Itago mo ako sa pangalang Angel. Ako po ay isang lalaki, nag-aaral bilang isang Animation atComputer Progamming sa paaralan ng Brokenshire College Toril sa baitang 11. Ako’y labin-walonggulang. Sa haba ng karanasan ko sa pagmamahal, minsan tumatakbo na sa isip na tumigil nalangdahil sa paulit-ulit na sakit na aking nararamdaman. Dahil sa hindi mawala saking isipan angkasabihan na, ” Feelings are not permanent “. Yung tipong mamahalin ka sa simula, at kapag lumaonna’y iiwan ka sa hindi maipaliwanag na dahilan. Itago niyo siya pangalang Rouge. Ang babaengnagpabago sa buhay ko. Mula sa madilim na karanasan, binigyan niya ng liwanag ang aking daan.Mula sa isang binatang walang plano at pamamaraan sa buhay, tinuruan niya ako kung paanobigyan ng halaga ang pag-aaral. Mula sa isang binatang ayaw nang magmahal, ngayon, tinuruan niyaakong kung paano ulit mahal.

Vennie-cer

Madami na kaming pinagdaanan sa buhay. Naging lovers kami ngunit walang lebel sa sitwasyon ngpagmamahalan. Ang alam lang namin ay merong ako, at merong ikaw, pero walang kami. Alamnamin saming sarili na mahal namin ang isa’t – isa. Marami na kaming pinagdaan na mga pabsuboksa buhay, lalong – lalo na sa aming pagmamahalan. Ngunit hindi namin ito nagawang sukoan.Marami narin kaming naranasan na kasiyahan at kalungkutan sa buhay. Alam ko sa sarilo ko, namahal niya ako, kaya sa huling pagkakataong ito, mananatili akong tapat sa pagmamahalan namingiyon. Tumatak na sa isipan ko na hindi ako susuko at maghihintay ako sa tamang panahon namaririnig ko sa kanya harap – harapan ang salitang, ” OO “. Niligawan ko siya sa pamamarang gustoko at gusto ng pamilya niya. Hindi ko aiya pinabayan na maging malungkot araw-araw. Hanggang sadumalas na ang pag-aaway, pagsisigawan at di pagkakaintindihan.

Vennie-cer

Dumating na ang panahon na kung saan madalas na kaming nag-aaway dahil sa selos, dimapaliwanag na dahilan at dahil sa pride. Dito ko na naisip at naramdaman na unti-unti nangnawawala ang pagmamahal niya na pinaramdam sakin. Takot akong mawala pa siya sa buhay ko,pero hindi naman natin mapipilit ang isang tao na mahalin tayo. Ngunit handa ka ba kung sakalingmangyari ito sa buhay mo na isang araw, yung taong nagturo sayo kung paano magmahal ulit, siyapa yung mawawala nang hindi mo malaman-laman ang tunay na dahilan.

Oo di siya nawala sa pisikal na antas, pero yung pagmamahal niya na dati kong naramdaman sakanya, tila ba parang bula na sa isang idlap ay nawala.Palagi ko pa rin siya nakikita samingeskwelahan, ngunit ang pagpapansinan na kadalasan naming ginawa ay naglaho naglaho nalangbigla. Pakiramdam ko, nawala na talaga siyang nararamdaman para sakin. Kaya nagdisisyon ako naitigil na rin ang nararamdaman ko para sa kanya at lumayo-layo para makalimut sa sakit nanararamdaman. Ngunit ipinangako ko sa sarili ko, na siya ang kahuli-huling babae na mamahalin ko.

Hanggang dito nalang at maraming salamat.

Sanaysay tungkol sa kahalagahan ng pag-ibig mula sa academia.edu

Ang sanaysay na pinamagatang Karanasan sa Pag-ibig ay isang halimbawa ng maikling di pormal na sanaysay tungkol sa tunay na pag-ibig. Ang sanaysay na ito ay tungkol sa pag-ibig natin sa ating iniibig na asawa, kasintahan, kaibigan, kapwa, at pamilya.

Pag-ibig

Bawat isa sa atin ay naghahangad na makatagpo ng isang tao na magpupuno sa ating kakulangan. Isang taong magpaparamdam sa ating kung gaano tayo kahalaga at tutulong upang mahubog pa natin ang ating pagkatao. Taong magiging dahilan para lubusan natin maunawaan ang tunay na kahulugan ng salitang “kaligayahan”. Ngunit masasabi ba nating pagdating sa pag-ibig ay puro na lang kaligayahan? Hindi ba’t darating din ang oras na kailangan mo ring masakatan. Ito ay pagkabigo sa ating buhay na hindi natin inaasahan na magdadala sa atin ng labis na kalungkutan. Bahagi na ito ng ating buhay. Gaano man kasakit, gaano man kasaklap, tanggapin na lamang natin at matuto tayong tumayo sa sarili nating mga paa. Ikaw, nagmahal ka na ba? Nasaktan ka na ba? Oh di kaya’y nakasakit ka na ba ng damdamin ng iba?

Marami na akong narinig na kwento ukol sa buhay pag-ibig ng iba. Kadalasan nagiging saksi pa nga ako ng pagmamahalan nila. Masaya, nakakakilig, minsan pa nga ay nakakainggit. Hindi ba tunay naman? Nakakainggit yaong mga magkasintahan na wagas kung magmahalan, magkatampuhan man o dumating man ang puntong puro na lang away ay pinaninindigan pa rin nila ang pangako nilang hindi nila iiwan ang isa’t isa.

Mayroon din namang mga tao na sa una ay sawi na makahanap ng taong tunay na magmamahal sa kanila. May mga tao namang takot na masaktan at lumuha kaya’t pinipili na lamang nila na huwag na lamang magmahal.

May mga nagpapakamartir din, na kahit ilang beses pa silang lokohin ay handa pa rin niyang patawarin. Hindi rin mawawala na sa kabila ng mga taong tunay na nagmamahal ay mga tao ring walang ginawa kundi paglaruan ang pag-ibig. Ito ay ang mga taong wala ng ginawa kung hindi magpaasa at manggamit. Bakit ba nauso pa ang panloloko? At bakit may mga taong napakahilig manloko? Ano bang napapala nila, karma lang naman diba?

Alam ko mayroon tayong iba’t-ibang istilo sa pagmamahal. Yung iba todo effort mapatunayan lang kung gaano nya kamahal at kung gaano kahalaga sa kanya ang isang tao. Yung iba ay dinadaan na lamang sa biro. Meron din namang torpe at hanggang sulyap lamang dahil wala siyang lakas na loob upang maipahayag ang kanyang tunay na nararamdaman. May mga taong sobrang agresibo na ang gusto ay makuha agad ang loob ng kanyang hinahangaan.

May kasabihan tayong “true love waits” na nangangahulugang may tamang oras para sa pag-ibig, gaano man katagal o gaano man kayo kalayo sa isa’t isa nananalaytay ang tiwala. Ano man ang istilo ng pagmamahal ang ating ginagawa tandaan natin na ang tadhana na ang gagawa ng paraan para matagpuan natin ang taong tunay na magmamahal satin at mapag-isa ang damdamin. Ginawa tayo ng Poong Maykapal para magmahal at mahalin.

Sanaysay tungkol sa pag-ibig sa pamilya ni Yesah mula sa Wattpad

Ang sanaysay na pinamagatang Pag-ibig ay isang halimbawa ng maikling di pormal na sanaysay tungkol sa tunay na pag-ibig. Ang sanaysay na ito ay tungkol sa pag-ibig natin sa ating iniibig na asawa, kasintahan, kaibigan, kapwa, at pamilya.

Pag-ibig

Maraming kahulugan ang Pag-ibig ,may kaniyang-kaniyang interpretasyon o dikaya’ydepenisyon ang tao sa pag-ibig .Maaring ilang bagay na nagbibigay konting ligaya maaring bagay o sa mga kinalilibangan. Maari na isang masidhing damdamin ng patingin nag kahulugan nito,isang emosyon. Madalas na tumutukoy ito sa interpersonal na pagmamahal.Iyan lamang ay ilan sa kahulugan ng pag-ibig.

Sa pag-ibig may layunin din ito sa mundong ating ginagalawan ng tao.Ito ay upang makapagbigay ng kapayapaan at pagkakaunawaan .Alam naman natin sa mundopng ating ginagalawan ay puno ng karahasan, pag-aaway,at kung anu-ano paman,samadaling salita makasalan na ang nangingibabaw sa atin.Ngunit kung may pag-ibig o pag-ibig ang nangingibabaw hindi mangyayari ang ganitong bagay , hindi ka makakapanakit sa kapwa mo.Dahil dyan hindi malalayong mangyari ang na magkaroon ng kapayapaan., at dahil din sa pag-ibig ay nagkakaroon ng pagkakaunawan , sapagkat nauunawaan natin ang bawat opinyon o maging sa kanilang nararanasan ,pinapalawak ang ating isip upang itoy maintindihan at iyan ay dahil sa may respeto tayo.

Ang kahalagahan ng pag-ibig ito ay susi upang magkakaroon ng pagkakaisa,kayapaan,at kalayaan .Kung walang pag-ibig ,ang mga tao ay hindi makakaramdam ng emosyon.Tayo’y nasasaktan at nalulungkot ng dahil ssanatual nasa atin iyon ta dahil sa aspetong emosyon na kung saan na nakakadama tayo ng ibat-ibang damdamin at isa na riyan ang pinkaimportanteng elemento at iyon ay ang pag-ibig .Gayon paman , ang pag-ibig ang siyang nagbibigay ng pag-asa na meron tayo upang lumaban sa lahat ng mga problema na ating nararanasan ,iyan din ang dahilan kung bakit ang mga tao ay nagsisikap ng mabuti na gawin ang lahat ng kanilang makakaya kahit ano pa man ang mangyari . Ang Pag-ibig din ay mahalaga dahil ito ang nakapagbibigay sagot sa ating mga problema na maresolba ang mga ito .At ang panghuli ang , ang pag-ibig pinag ulan ng atig kaligtasan .

Mayroong mga paraan upang malaman natin kung ito’y pag-ibig.Ilan sa mga ito ang mga sumusunod :nagbibigay ito ng ibang kagalakan sa inyong sarili . Hindi maipaliwanag na damdamin ang nangingibabaw , kung saan sa simula palang ng iyong araw ay lagi mo na itong iniisip , gumawa ka ng bagay na makakapagligaya sa iyo man o sa iba .Hindi ka humihingi sa iba ng na mag-sakripisyo sa kanila para lang mapatunayan ang kanyang pag-ibig . kahit na maganda man o hindi ay naakit ka pa rin . nagpapatunay lang na ang iyong pangako sa taong iyon walang takda at nariyan ang respeto , paghanga ,at pagtitiwala sa taong iyon.

Tayong mga tao ay may tinatawag na emosyon , na kung saan tayo nakakadama ng ibat-ibang klaseng emosyon at natural sa isang tao na makada ng pag-ibig . Nagbi bigay kulay ito sa baat buhay natin .Hindi lamang pighati , kalungkutan o daikaya’y kasiyahan at iba ang ating nadarama . Myroon din na hindi natin namamalayan na ating nadarama ay pag-ibig na pala . Kaya may pag ibig sapagkat ang Poong Maykapal ang siyang nagpapatunay kung bakit may pag-ibig . Ang Dakilang Panginoon ang siyang una-unang nagbigay kahulugan ng pag-ibig . iyon ay ang pag-aalay niya ng kanyang sarili upang tayo’y makaligtas , dahil
sa mahal niya tayo.

Ang panghuli ang pag-ibig ay mas madarama mo kung may inaalayan ka ng iyong pag-ibig .May pinagaalayan ka ng iying pag-ibig. Maari pag-ibig sa pamilya , sa isang relasyon ng magkabiyak , sa kaibigan at sa Poong Maykapal .Sa pamilya ,kung may pag-ibig magiging bukas ang bawat miyembro ng pamilya sa kanilang mga problema . Walang alinlangan sapagkat alam nila na ang mas mahalaga ang may sumusuporta at gumagabay sa kanila . Ito rin ang nagpapatibay sa samahan ng bawat isa .Sa isang relasyon kung may pag-ibig hindi mo na tinitignan ang kung ano man nasa panlabas na anyo kundi sa panloob nito . at nagpapatibay din ito na relasyon kahit ano pa man ang mga pinagdaan ninyo . Sa kaibigan , handa mong tanggapin ang lahat na kung ano ang kanyang kamalian , ano siya at kung mahal mo siya ay hindi mo sa babaguhin sa kung ano ang wala sa kanya . Ang panghuli ang pag-ibig na iaalay natin sa Poong maykapal ,alam naman natin wala tayo rito kung hindi dahil sa kanya . At bilang isang tao ang maiibabalik lang natin sa kanyang pagsakripisyo ay ang gumawa ng mabuti sa kapwa , at pag-ibig lamang ang dapat nating pairalin .Ang Poong Maykapal sa kanya nanggagaling ang tunay na pag-ibig , kung may pananampalatay lang tayo sa kanya .Ang buhay natin ay magiging maganda at matiwasay.

Sanaysay tungkol sa tunay na pag-ibig mula sa conniejosh-myblogspot.blogspot.com

Ang sanaysay na pinamagatang Pag-ibig ay isang halimbawa ng maikling di pormal na sanaysay tungkol sa tunay na pag-ibig. Ang sanaysay na ito ay tungkol sa pag-ibig natin sa ating iniibig na asawa, kasintahan, kaibigan, kapwa, at pamilya.

Pag-ibig

Kasabay ng paglalang ng Panginoon sa tao ay ang emosyong hindi mauunawaan kung hindi maipapaliwanag at hindi malalaman ang kasagutan hangga’t hindi nararamdaman. Marami ang napapahamak, nalilito, nabubulag, nagpapa-alipin, mayroon ding lubos ang kasiyahan at nakakaramdam ng matinding kalungkutan tuwing nasasaktan.

May mga taong pilit naghahanap ng kasagutan sa kanilang nararamdaman at mayroon din namang kasagutang hindi maintindihan at kung pag-ibig ang tanging kasagutan bakit maraming nagtatanong, bakit sa pag-ibig maraming nasasaktan, bakit sa pag-ibig maraming lumuluha gayong ang nais lamang ng tao ay magmahal at mahalin din.

Sadya ngang makapangyarihan ang pag-ibig sapagkat saklaw nito ang lahat ng bagay sa mundo. May uri ng pag-ibig na kung saan ang pagmamahal ay nakatuon sa makamundong kasiyahan o sa mga materyal na bagay. Mayroon ding mga taong nasa pera ang labis na pagmamahal na kung minsan sila ay nilalamon na ng kasamaan nang hindi nila namamalayan na maaring magdala sa kanila sa kapahamakan. Dahil sa matindi ang pagsamba at pagmamahal sa pera ito ang siyang sumisisa sa pagkatao ng isang nilalang at pinagmulan ng kasamaan sa mundo. Sa labis na kagustuhang magkamal ng kayaman nakakagawa ang tao ng mga bagay na ikapapahamak ng kanyang kapwa. Dahil din dito hindi na niya namamalayang nilalayuan na siya ng kanyang mga mahal sa buhay dahil nawawalan na siya ng panahon para sa mga ito at nawawalan na rin siya ng oras para sa Panginoon dahil ika nga sa Banal Na Kasulatan (walang makapagsisilbi ng sabay sa dalawang Panginoon).

May pag-ibig ding tunay at wagas katulad na lamang ng pag-iibang Romeo at Juliet na ayaw man ng mundo at tutol man ang kanilang pamilya walang nakapaghihiwalay sa kanila kahit kamatayan pa. Katulad din ng karaniwang napapanood natin sa mga pelikula na kung saan hindi mahalaga ang katayuan mo sa lipunan, nasa alta sociedad ka man o nasa pinakamababang antas sapagkat hindi nasukat sa kabuhayan ang tunay na nararamdaman dahil ang pag-ibig walang pinipiling panahon, edad at uri ng tao, ikaw na ay mahirap o mayaman. Sa oras na tinamaan ka ng pana ni kupido, wala ka ng magagawa kundi sundin ang sinisigaw ng iyong puso. Subalit kung mayroong tunay at wagas na pag-ibig mayroon din namang mapanglinlang at hindi totoo kaya may mga taong nabubulag at nasasaktan dahil sa pagmamahal.

Sadya ring mahiwaga ang pag-ibig dahil kapag ito ay hinahanap ito ay mailap at tuwing hindi ito inaasahan tsaka ito matatagpuan at kung kailan natagpuan mo na tsaka ka naman hindi handa. Pag-ibig nga naman parang ulan, alam mong darating pero hindi tiyak kung kailan at tsaka bubuhos kung hindi pinaghandaan kaya wala ng magagawa kundi sumuong lalo na kung walang masisilungan.

Ngunit paalala lamang, huwag masyadong magpadala sa emosyon dahil ang ulan tumitila rin tulad din yan ng pag-ibig, nawawala at naglalaho at alam kung kelan? Kung kailan nag-eenjoy ka na saka pa ito mawawala at titila.

Ganyan ang pag-ibig munsan masaya at minsan malungkot kaya habang ito ay hawak pa, pangalagaan at pahalagahan dahil hindi madaling mahanap ng tunay na pagmamahal. Maraming magmamahal sayo ngunit hindi mo alam kung alin ang totoo. Pag-ibig ba na galing sa puso o pag-ibig na mapagbalatkayo.

Sanaysay tungkol sa pag-ibig sa kapwa mula sa scribd.com

Ang sanaysay na pinamagatang Pag-ibig ay isang halimbawa ng maikling di pormal na sanaysay tungkol sa tunay na pag-ibig. Ang sanaysay na ito ay tungkol sa pag-ibig natin sa ating iniibig na asawa, kasintahan, kaibigan, kapwa, at pamilya.

Para Sa Iba Pang At Filipino Lessons

Summary of Mga Sanaysay Tungkol Sa Pag-ibig 2022

Ang pag-ibig ay napakasap sa damdamin. Kaya ang artikulong mga maikling Sanaysay Tungkol Sa Pag-ibig ay siyang kapupulutan natin ng inspirasyon sa pagpapahalaga at pagmamahal sa ating asawa, kasintahan, kaibigan, at kapwa.

Nawa ay nabigyan namin kayo ng inspirasyon sa pamamagitan nitong mga maikling sanaysay tungkol sa pag-ibig. Happy reading and God bless.

Inquiries

If you have any questions or suggestions about, Sanaysay Tungkol Sa Pag-ibig – 15 Halimbawa Ng Sanaysay Tungkol Sa Pag-ibig 2022. Let us know what you think about this post by leaving a comment below.

We are Proud Pinoy.

Leave a Comment