Luha Ng Buwaya Buod – Buod At Kahulugan Ng Luha Ng Buwaya

LUHA NG BUWAYA BUOD – Sa aralin ngayon, ating matutunghayan kung ano ang maikling buod at kahulugan ng nobela na Luha Ng Buwaya by Amado V Hernandez. Ito ay kinalap mula sa mga makatang Pilipino na siyang nagpasalin-salin ng buod ng nobela na Luha Ng Buwaya ni Amado V Hernandez hanggang sa ngayon.

Ano Ang Luha Ng Buwaya?

Ang Luha Ng Buwaya o Crocodile’s Tear sa Ingles ay isang nobela ni Amado V Hernandez na inilathala noong 1962. Si Amando V Hernandez ay isang sikat at pinarangalan bilang isang alagad ng sining ng Pilipinas. Ang Luha Ng Buwaya ay may 53 na kabanata. Umiikot ang istorya sa mga mahihirap na magsasaka na nagkaisa upang maghigante sa mga mayayamang pamilya at sa mga Grande.

Si Bandong ang pangunahing tauhan sa kwento na siyang tumulong sa mga magsasaka na makuha ang kanilang lupa. Sa dakong huli ng nobela ay nalaman nilang hindi pala sa mga Grande ang lupang inaangkin nila. Kaya napagtanto nilang sa kanilang pagkakaisa ay mababago nila ang bulok na sistemang piyudal ng lipunan.

Ang Luha Ng Buwaya ay isang matalinhagang salita na ang ibig sa bihin ay mapagbalatkayo o mapagkunwari.

Luha Ng Buwaya Buod – Buod At Kahulugan Ng Luha Ng Buwaya

Luha Ng Buwaya Buod - Buod At Kahulugan Ng Luha Ng Buwaya
Luha Ng Buwaya Buod At Kahulugan

Ipagpatuloy lang ang pagbabasa hanggang sa dulo nang artikulong ito para makita mo ang maikling buod ng nobela na Luha Ng Buwaya. Nawa kayo ay masiyahan at maging inspirasyon ang mababasa ninyong buod ng Luha Ng BUwaya ni Amando V Hernandez.

Buod At Kahulugan Ng Luha Ng Buwaya

Umiikot ang kwento ng Luha ng Buwaya sa tunggalian ng mayayamang may-ari ng lupa at ng kanilang mga inaaping magsasaka sa bayan ng Sampilong ilang taon matapos ang pananakop ng mga Hapones. Nagsimula ang kwento sa pag-uwi ni Maestro Bandong Cruz sa Sampilong upang humalili sa dating punong-guro na nagbakasyon muna dahil sa karamdaman.

Nagkataon naman na magkakaroon ng malaking handaan sina Don Severo at Doña Leona Grande, ang mga pinakamayaman sa Sampilong. Bilang pagsalubong sa kanilang dalawang anak na sina Jun at Ninet. Ang magkapatid ay umuwi sa Sampilong mula sa kanilang pagtatapos sa Maynila. Ang pamilya Grande ay lubhang mapang-api sa kanilang mga magsasaka , at hindi lamang ngayong malapit na ang piging ngunit kahit noon pa man. Sila’y laging walang-awang sumisingil ng mga nagkakapatong-patong na utang ng mga mahihirap na magsasaka. Isang halimbawa ng kanilang kalupitan ay, ilang araw matapos ang handaan, namatay ang asawa ng isang magsasaka. Ito ay dahil hindi pinagbigyan ng mag-asawa ang hiling ng lalaki na huwag munang kunin ang kanilang pera upang mayroon siyang maipambili ng gamot para sa kanyang maysakit na asawa.

Dumating ang mga pangyayari sa puntong napuno na ang mga mahihirap na magsasaka at naisip nilang magtayo ng isang unyon para mapangalagaan ang kanilang mga karapatan. Sila ay tinulungan ng butihing punong-guro na si Bandong. Sa tulong nito ay namulat ang isipan ng mga tao sa Sampilong at gumanda ang kalagayan ng mga mamamayan. Ngunit patuloy na umiral ang kasakiman ng mga Grande. Tinangka nilang kamkamin ang lupaing kung tawagin ay ‘Tambakan’ o ‘Bagong Nayon’ at hinabla ang mga mahihirap upang mapigilan ang kanilang mga plano.

Di nagtagal at nakarating ang mga balitang ito sa mga Grande sa pamamagitan ng kanilang katiwala na si Dislaw. Ang karibal ni Bandong sa panliligaw sa magandang dalagang si Pina. Sila’y gumawa ng paraan upang matanggal si Bandong sa pagkapunong-guro sa paaralan. Nalaman ni Bandong kung sino ang mga may galit sa kanya at tahasa na siyang nakiisa sa mga plano at hinanaing ng mga maralitang tao ng Sampilong. Sinubukan nilang dalhin ang problema sa korte at ayusin ito sa harap ng hukuman ngunit nagkaproblema sila dahil sadyang maimpluensya ang mga Grande. Di naglaon ay napabalitang ang lupaing iyon ay hindi pala sa mga Grande, at sa halip ay pagmamay-ari ito ng isa nilang kasamahan na si Andres. Sa huli ay napawalang-sala rin ang mga inosenteng mahihirap at nabigyan ng hustisya.

Ang buod ng Luha Ng Buwaya ay mula sa squadngfilipino.blogspot.com.

Ang halimbawa ng maikling nobela na pinamagatang “Luha Ng Buwaya” ay isang nobela ni Amado V. Hernandez. Ang nobelang ito ay hinggil sa buhay ni Bandong na humalili bilang punong guro sa paaralan sa Sampilong. Tinulungan niya ang mga magsasaka na makuha ang hustisya tungkol sa problema sa lupain laban sa mga Grande.

Para Sa Iba Pang Filipino Lessons

Maliban sa paksang LUHA NG BUWAYA, narito ang ilan pa mga aralin na pwede niyong basahin.

Summary Ng Luha Ng Buwaya

Iyan ang mga detalye tungkol sa kung ano ang maikling buod ng Luha Ng Buwaya. Tumatakbo ang buong kwento sa buhay ni Bandong na tumulong sa mga magsasaka ng Sampilong upang makuha ang kanilang lupa sa mga Grande. Ang pamilyang Grande ang mga sakim na mayamang pamilya nagkukunwaring kanila ang lupa sa Sampilong.

Ang nobelang ito ay nag-iiwan din sa atin ng aral na dapat tayong magkaisa sa anu mang pagsubok ng buhay. Ipaglaban natin ang ating karapatan bilang tao sa mabuting paraan.

Nawa ay nabigyan namin kayo ng inspirasyon sa pamamagitan nitong artikulong ito. Happy reading and God bless.

Inquiries

If you have any questions or suggestions about, Luha Ng Buwaya Buod At Kahulugan 2022 Let us know what you think about this post by leaving a comment below.

We are Proud Pinoy.

Leave a Comment

Your email address will not be published.