Buod Ng Noli Me Tangere – Buod Ng Nobela Ni Jose Rizal

BUOD NG NOLI ME TANGERE – Sa aralin ngayon, ating matutunghayan kung ano ang pinaka-buod ng kaligirang pangkasaysayan ng Noli Me Tangere. Ito ay kinalap mula sa mga makatang Pilipino na siyang nagpasalin-salin ng mga maikling buod ng nobelang Noli Me Tangere hanggang sa ngayon.

Ang ang nobelang ito ay mahigit na sa isang-daang taon mula noong isinulat ito ni Dr. Jose Rizal. Lumipas man ang maraming taon ang kanyang mga sinulat ay mananatili paring buhay sa puso’t isip ng mga Pilipino.

SEE ALSO: Buod Ng El Filibusterismo

Ano Ang Noli Me Tangere?

Ang Noli Me Tangere o Huwag Mo Akong Salingin sa Tagalog o Touch Me Not sa Ingles ay isang nobelang isinulat ni Dr. Jose Rizal. Isinulat niya ito noong 1884 habang nag-aaral siya ng medisina sa Madrid na hango sa Ebanghelyo ni Juan. Si Dr. Jose Rizal o Jose Protacio Mercado Rizal Alonzo y Realonda sa tunay na pangalan ay ang pambansang bayani nating mga Pilipino.

Nagtungo si Rizal sa Paris pagkatapos nang kanyang pag-aaral at doon ipinagpatuloy ang pagsusulat ng Noli Me Tangere. Ang huling bahagi ng nobela ay sa Berlin na niya natapos.

Ang layunin ng nobelang ito ay mapukaw ang kamalayan ng mga Pilipino sa pang-aabusong ginagawa ng gobyerno at simbahan sa panahon ng mga Kastila.

Ilan sa mga pangunahing tauhan sa nobela ay sina Crisostomo Ibarra, Kapitan Tiyago, Tinyente Guevarra, Padre Damaso, Sisa, Basilio at Crispin, Maria Clara at marami pang iba.

Maikling Buod Ng Nobelang Noli Me Tangere

Buod Ng Noli Me Tangere - Maikling Buod Ng Nobelang Noli Me Tangere
Maikling Buod Ng Nobelang Noli Me Tangere

Ipagpatuloy lang ang pagbabasa hanggang sa dulo nang artikulong ito para makita mo ang maikling buod ng nobelang Noli Me Tangere. Nawa kayo ay masiyahan at maging inspirasyon ang mababasa ninyong buod ng kaligirang pangkasaysayan ng Noli Me Tangere.

Noli Me Tangere Buod

Bumalik sa Pilipinas ang binatang si Juan Crisostomo pagkatapos ang pitong taong pag-aaral sa Europa. Pinag-aral siya ng kanyang ama na si Don Rafael.

Naghandog ng malaking piging si Kapitan Tiago upang salubungin ang binata. Inanyayahan niya ang ilang sikat na tao sa kanilang lugar kabilang sina Padre Damaso, Padre Sibyla, Tinyente Guevarra, Donya Victorina, at ilang may impluwensya sa lipunan.

Ipinahiya ni Padre Damaso si Ibarra sa piging, ngunit nagpakumbaba lang ito at magalang na nagpaalam. Nagdahilan itong may mahalagang pupuntahan.

Si Maria Clara ang magandang kasintahan ni Ibarra na anak-anakan ni Kapitan Tiago. Siya ang dahilan kung bakit upang umalis si Ibarra sa para dalawin.

Dinalaw nga ni Ibarra si Maria Clara kinaumagahan matapos ang malaking piging. Nagbalik-tanaw ang magkasintahan sa kanilang ala-ala. Binasa muli ni Maria Clara ang mga liham na ibinigay ni Ibarra bago ito pumunta ng Europa habang iaalala ang kanilang pagii-bigan.

Bago umuwi si Ibarra ay pinuntahan niya si Tinyente Guevarra na nagtapat na patay na ang kanyang ama noong isang taon pa na si Don Rafael Ibarra. Ipinagtapat din ng tinyente na napagbintangan ang kanyang ama na erehe at pilibustero dahil hindi ito nagsisimba at nangungumpisal.

Ayon pa sa tinyente, nagsimula ito ng ipinagtanggol ng Don ang isang bata sa maniningil na hindi sadyang nabagok ang ulo kaya namatay. Ipinakulong si Don Rafael dahil dito sa kasalanang wala naman siyang kinalaman. Kung sana ay malapit ng malutas ang paglilitis kay Don Rafael ngunit nagkasakit ito at namatay dahil hindi kinaya ang mga pangyayari.

Si Padre Damaso ay hindi nakuntento at ipinag-utos pa sa sepulturero na hukayin ang labi ni Don Rafael at ilipat sa libingan ng mga Intsik. Malakas ang ulan noon kaya hindi nila kinayang buhatin ang bangkay ng Don kaya itinapon nalang sa lawa.

Samantala, sa kabila ng nangyari, hindi nagtangkang maghigante si Ibarra. Sa halip, ipinagpatuloy ni Ibarra ang sinimulan ng Don na makapagpatayo ng paaralan sa tulong ni Nol Juan.

Naghanda ng isang pananghalian si Ibarra matapos ang pagbabasbas ng itinayong paaralan. Ngunit, kamuntikan na siyang mapatay ng taong binayaran ng lihim na kaaway.

Muli na namang inasar ni Padre Damaso ang binata na inihamak ang kanyang ama. At, sa pagkakataong ito ay muntik nang saksakin ni Ibarra ang pari kung hindi lang siya napigilan ni Maria Clara.….

Pindutin ang pindutan sa ibaba upang mabasa ang buong nobela ni Rizal. I-download upang mabasa ito offline.

Mga Tauhan sa Noli Me Tangere

Time needed: 5 minutes.

Narito ang mga tauhan at katangian sa Noli Me Tangere

  1. Crisostomo Ibarra

    Si Juan Crisostomo Ibarra y Magsalin ay ang binatang nag-aral sa Europa na nag-iisang anak ni Don Rafael Ibarra. Siya nag kasintahan at kababata ni Maria Clara.

  2. Maria Clara

    Si Maria Clara de los Santos y Alba ay ang mabining kasintahan ni Crisostomo Ibarra at kilala ito sa San Diego dahil sa taglay na kagandahan. Siya ay anak ni Donya Pia Alba kay Padre Damaso at anak-anakan naman ni Kapitan Tiago.

  3. Padre Damaso

    Si Damaso Verdolagas ay ang tunay na ama ni Maria Clara. Isa siyang kurang Pransiskano na masalita at magaspang kumilos. Siya rin ang nagpalipat ng bangkay ni Don Rafael Ibarra sa libingan ng mga hindi banyaga.

  4. Kapitan Tiago

    Si Don Santiago de los Santos ay isang mangangalakal at asawa ni Donya Pia Alba at ama-amahan ni Maria Clara. Siya kilala bilang bukas palad at masunurin sa nakakataas sa kanya.

  5. Elias

    Isang bangkero at magsasaka na tumulong at nagligtas kay Ibarra na makilala ang kanyang bayan. Siya ay anak ng angkan na kaaway ni ng mga ninuno ni Crissostomo.

  6. Basilio at Crispin

    Sila ang magkapatid na anak ni Sisa, ang magkapatid ay sakristan at tagatugtog ng kampana sa simbahan ng San Diego. Si Basilio ang pinakamatanda at bunso naman si Crispin.

  7. Sisa o Narsisa

    Isang mapagmahal at malambing na ina ngunit may mayroong malupit at pabaya na asawa.

  8. Pilosopo Tasyo

    Si Don Anastasio ay isang matalino at matandang tagapagpayo, na minsan ay tinawag na baliw dahil hindi siya maintindihan ng mga mangmang na tao. Hindi siya nakapagtapos ng pag-aaral at maagang nabalo kaya itinuon niya ang pansin sa pagbabasa ng libro.

  9. Donya Victorina

    Si Donya Victorina de los Reyes de Espadaña ay ang babaeng nagpanggap na isang mestisang kastila. Siya ay asawa ni Don Tiburcio de Espadaña.

  10. Don Tiburcio de Espadaña

    Siya ay isang pilay at bungal na kastila na napadpad sa Pilipinas sa paghahanap ng magandang kapalaran at napangasawa ni Donya Victorina.

  11. Padre Salvi o Padre Bernardo Salvi

    Isang kura na pumalit kay Padre Damaso na may lihim na pagtingin kay Maria Clara.

  12. Alperes 

    Siya ang pinuno ng mga gwardiyang sibil at ang kaagaw ng kura sa kapangyarihan sa San Diego. Siya ang asawa ni Donya Consolacion.

  13. Donya Consolacion

    Siya ay dating labandera at may malaswang bibig at masama ang pag-uugali. Siya ang napangasawa ni Alperes ngunit ikinahihiya siya nitong makasama dahil sa kanyang pananamit.

  14. Alfonso Linares 

    Siya ay malayong pamangkin ni Don Tiburcio at siya pinsan ng inaanak ni Padre Damaso na napili niya para mapangasawa ni Maria Clara.

Konklusyon

Iyan ang mga detalye tungkol sa kung ano ang tauhan at maikling buod ng Noli Me Tanger. Tumatakbo ang buong kwento sa paghihimagsik. Ipinahihiwatig ng nobelang ito kung saan aabot ang kagustuhan ng isang taong maghigante sa mga taong umagaw ng kalayaan ng bawat isa.

Ang tanging layunin ni Dr. Jose Rizal sa pagsulat ng nobelang ito ay imuklat ang mga mata ng mga Pilipino sa pang-aalipusta ng mga dayuhang Kastila. Ibig din niyang bigyang pag-asa at himukin ang mga Pilipinong ipaglaban ang kanilang karapatan at makamit ang kalayaan.

Nawa ay nabigyan namin kayo ng inspirasyon sa pamamagitan nitong artikulong ito. Happy reading and God bless.

Inquiries

Kung mayroon kang anumang katanungan o mungkahi tungkol sa “Buod Ng Noli Me Tangere – Buod Ng Nobela Ni Rizal,” ipaalam sa amin sa pamamagitan ng pag-iiwan ng komento sa ibaba.

Para Sa Iba Pang Filipino Lessons

Maliban sa paksang Noli Me Tangere, narito ang ilan pa mga aralin na pwede niyong basahin.

We are Proud Pinoy.

Leave a Comment