Buod Ng El Filibusterismo – Pinaka-Buod Ng El Filibusterismo Tagalog

BUOD NG EL FILIBUSTERISMO – Sa aralin ngayon, ating matutunghayan kung ano ang pinaka-buod ng kaligirang pangkasaysayan ng El Filibusterismo. Ito ay kinalap mula sa mga makatang Pilipino na siyang nagpasalin-salin ng mga maikling buod ng El Filibusterismo hanggang sa ngayon.

Ano Ang El Filibusterismo?

Ang El Filibusterismo o Ang Paghahari ng Kasakiman sa Tagalog o The Reign Of Greed sa Ingles ang isang nobelang isinulat ni Dr. Jose Rizal. Karugtong ito ng nobelang Noli Me Tangere na una niyang isinulat na parehong pangmulat sa mga Pilipino sa panahon ng Kastila. Si Dr. Jose Rizal o Jose Protacio Mercado Rizal Alonzo y Realonda sa tunay na pangalan ay ang pambansang bayani nating mga Pilipino.

Ang nobelang ito ay naglalayong imulat ang kaisipan at pukawin ang damdamin ng mga Pilipino sa pagmamalupit at katiwalian ng mga Kastila. Sa kadahilanang hindi na makatarungan ang pamumuno nila sa gobyerno pati na rin sa simbahan.

Ilan sa mga pangunahing tauhan sa nobela ay sina Simoun (Juan Crisostomo Ibarra), Basilio, Padre Salvi at marami pang iba.

Buod Ng El Filibusterismo – Pinaka-Buod Ng El Filibusterismo Tagalog

Buod Ng El Filibusterismo - Pinaka-Buod Ng El Filibusterismo Tagalog
Buod Ng El Filibusterismo – Pinaka-Buod Ng El Filibusterismo Tagalog

Ipagpatuloy lang ang pagbabasa hanggang sa dulo nang artikulong ito para makita mo ang pinaka-maikling buod ng El Filibusterismo. Nawa kayo ay masiyahan at maging inspirasyon ang mababasa ninyong buod ng kaligirang pangkasaysayan ng El Filibusterismo.

Buod Ng El Filibusterismo – Pinaka-Buod Ng El Filibusterismo Tagalog

Mahigit labintatlong taon matapos ang pagkamatay nina Sisa at Elias.

May isang Bapor Tabo na naglalakbay sa Ilog Pasig. Nakasakay dito ang maraming mga taong papunta sa Maynila. Kabilang sa kanila sina Simoun, Basilio, Isagani at ilang mga pari.

Pinuntahan agad ni Basilio ang puntod ng kanyang yumaong ina sa libingan ng mga Ibarra sa may San Diego. Sa di-inaasahang pagkakataon, nakita niya ang mag-aalahas na si Simoun. Sa pagtanggal nito ng salamin ay nakilala niyang si Simoun ay si Juan Crisostomo Ibarra pala.

Upang hindi na lumabas ang lihim nito, tinangka ni Simoun na patayin si Basilio. Ngunit, nagdesisyon na lamang siyang isama si Basilio sa layunin niyang maghigante sa mga Kastila. Tinanggihan naman ito ni Basilio sa kadahilanang gusto niyang makapagtapos ng pag-aaral.

Samantala, ang mga mag-aaral na Pilipino ay naghain ng isang kahilingan sa Kapitan Heneral na magtatag ng isang akademya ng wikang Kastila. Subalit, hindi ito ipinagtibay dahil sa mga pari na namamahala dito.

Nang muling magkita sina Simoun at Basilio ay muli niya itong kinumbinsi na magkaisa sa paghihimagsik sa Sta. Clara. Hinimok niya pa itong gagawa ng siya ng isang pulutong upang pasukin ang kumbento at sapilitang agawin si Maria Clara. Ngunit, sa kasamaang palad, binawian ng buhay ang dalaga kinahapunan.

Samantala, ang mga mag-aaral ay nagkaroon ng isang pagtitipon sa Panciteria Macanista de Buen Gusto na pagmamay-ari ng Intsik na si Quiroga. Dito ay nagtalumpati sila laban sa mga pari dahil sa sama ng kanilang loob sa hindi pinagtibay ang hiling nilang pagpapatayo ng akademya ng wikang Kastila.

Kinabukasan, sa Pamantasan ay natagpuan ang mga paskin na naglalaman ng paghihimagsik. Nalaman ng mga pari ang tungkol dito at pinagbintangan ang mga mag-aaral na nagtalumpati sa Panciteria. Nadamay pati si Basilio.

Labis na dinamdam ng kasintahan ni Basilio na si Juli ang nangyari sa kanya. Kaya kinumbinsi siya ni Hermana Bali na lapitan ni Juli si Padre Camorra upang humingi ng tulong. Ito ay dahil ang pari lang ang nag-iisang maaring lapitan upang mapalaya si Basilio.

Sa tulong ng mga kamag-anak ng mga mag-aaral ay napawalang-sala sila maliban kay Basilio dahil sa wala siya kamag-anak.

Nagpakamatay naman si Juli sa pamamagitan ng pagtalon sa binta dahil hinalay siya ni Padre Camorra.

Sa kabilang dako, nagpatuloy si Simoun sa balak niyang paghihiganti. Upang makamit iyon, sumanib siya sa negosyo ni Don Timoteo Pelaez na ama ni Juanito. Si Juanito ay siya namang ipinagkasundo na ipakasal kay Paulita Gomez at ang ninong ay ang Kapitan Heneral.

Pagkalipas ng dalawang buwan ay nakalaya si Basilio sa tulong ni Simoun. Dahilan kung bakittinanggap ni Basilio ang alok ni Simoun na paghihimagsik.

Samantala, sa mangyayari piging sa kasal ni Jualito at Paulita ay inanyayahan ang lahat ng taong may matataas na posisyon sa pamahalaan. Simantala ito ni Simoun upang maisagawa ang paghihimagsik.

Naghandog siya ng magarang lamparang granada bilang handog sa ikakasal. Lingid sa kanilang kaalaman, ang magarang lamparang iyon ay may lamang nitrogliserina. Sa panahong itataas ang mitsa ay matapos ang dalawampong minuto ay sasabog ito ng malakas. Ito na ang magiging hudyat ng pagsisimula ng paghihimagsik.

Sa araw ng kasal ay nagsimula na ang kanilang inihandang plano. Habang masaya ang lahat ay hindi naman mapakali si Basilio sa labas. Doon ay nakita ni Basilio si Isagani na dating kasintahan ni Paulita Gomez. Kinuwento ni Basilio kay Isagani ang kanilang plano at sinabihan niya itong umalis na sa bahay na iyon para hindi madamay.

Unti-unti nang lumalamlam ang ilaw ng mitsa. Inutusan ng Kapitan Heneral si Padre Irene na itaas na ang lampara. Biglang inagaw niIsagani ang lampara at inihagis sa ilog.

Nabigo ang plano ni Simoun kaya tumakas ito at pumunta sa bahay ni Padre Florentino. Uminom siya ng lason dahil hindi niya gustong mahuli ng mga kuwardiya sibil ng buhay. Ipinagtapat niya kay Padre Florentino ang kanyang buhay at ang plano niyang paghihiganti.

Sa oras ding iyon ay binawian na ng buhay si Simoun. Pumunta si Padre Florentino sa bato na laging inu-upuan ni Isagani malapit sa dagat. Doon niya itinapon ang lahat ng mga naiwang kayamanan ni Simoun.

Maikling buod ng El Filibusterismo

Para Sa Iba Pang Filipino Lessons

Maliban sa paksang El Filibusterismo, narito ang ilan pa mga aralin na pwede niyong basahin.

Summary Ng Maikling buod ng El Filibusterismo

Iyan ang mga detalye tungkol sa kung ano ang maikling buod ng El Filibusterismo. Tumatakbo ang buong kwento sa paghihimagsik. Ipinahihiwatig ng nobelang ito kung saan aabot ang kagustuhan ng isang taong maghigante sa mga taong umagaw ng kalayaan ng bawat isa.

Ang tanging layunin ni Dr. Jose Rizal sa pagsulat ng nobelang ito ay imuklat ang mga mata ng mga Pilipino sa pang-aalipusta ng mga dayuhang Kastila. Ibig din niyang bigyang pag-asa at himukin ang mga Pilipinong ipaglaban ang kanilang karapatan at makamit ang kalayaan.

Nawa ay nabigyan namin kayo ng inspirasyon sa pamamagitan nitong artikulong ito. Happy reading and God bless.

Inquiries

If you have any questions or suggestions about, Buod Ng El Filibusterismo – Pinaka-Buod Ng El Filibusterismo Tagalog 2022 Let us know what you think about this post by leaving a comment below.

We are Proud Pinoy.

Leave a Comment

Your email address will not be published.