HAIKU AT TANAGA – Sa araling ito ating matutunghayan kung ano ang kahulugan at halimbawa ng tulang haiku at tanaga Tagalog. Ito ay kinalap mula sa mga makatang Pilipino na siyang sumulat ng mga haiku at tanaga na ating ginagamit at nagbibigay inspirasyon sa atin ngayon.
Sadyang napakayaman ng wika nating mga Pilipino. Kahit na ang kagaya nitong klase ng tula ng mga banyagang Hapon ay nayakap natin at naging parte ng ating mayabong na wika.
Ipagpatuloy lang ang pagbabasa hanggang sa dulo nang artikulong ito. Para makita mu ang mga nilalaman ng bawat isang halimbawa Ng Haiku At Tanaga Tagalog. Nawa kayo ay masiyahan at maging inspirasyon ang mababasa ninyong mga halimbawa ng haiku at tanaga.
Kahulugan At Halimbawa ng Haiku At Tanaga
Kahulugan ng Haiku
Ang haiku ang isang salitang Hapon na tumutukoy sa isang anyo ng tula. Hindi kagaya ng ibang mga tula, ito ay binubuo ng labinpitong pantig at may tatlong taludturan. Ang unang taludtod ay may limang pantig, sa ikalawang taludtod ay may pitong pantig, at ang ikatlong taludtod ay may limang pantig.
Sa madaling salita, ito ay maikling tula na gumagamit ng tatlong linya at 5/7/5 na pantig. Ang haliku ay nagtataglay ng mga matatalinhagang salita at nagpapahayag ng isang malalim na damdamin.
Kahulugan ng Tanaga
Ang tanaga ay isang sinauna at maikling tulang Tagalog. Ito ay may instrukturang 4 na taludtod, binubuo ng pitong (7) pantig sa bawat taludtod at naglalaman ng isang diwa ng makatang Pilipino. Naglalaman ito ng mga matatalinhagang salita.
Nagtataglay ito ng isang tugmaan na a-a-a-a, ngunit ang makabagong tanaga ngayon ay kakikitaan na rin ng mga tugma na inipitan – a-b-b-a, salitan – a-b-a-b at sunuran a-a-b-b.
Halimbawa Ng Haiku At Tanaga
| HAIKU | TANAGA |
| Ulilang damo Sa tahimik na ilog Halika, sinta! Halimbawa ng haiku ni Gonzalo Flores | PASLIT Maraming mga bagay, Na sadyang lumalatay, Isip ko’y walang malay, Sa hiwaga ng buhay? |
| Gabing madilim, Kulay ay inilihim, Kundi ang itim. | Totoong sinungaling, At talagang malihim, Pipi kung kausapin, Walang kibo’y matabil, Tanaga ni Ildefonso Santos |
| HINDI BULAG Ang puso’t dibdib Malagkit kung tumitig Kung umiibig Halimbawa ng haiku ni Avon Adarna | TANAGA Ang tanaga na tula Ay sining at kultura Tatak ng ating bansa Hanggang wakas ng lupa. Halimbawa ng tanaga |
| Baliw sa haiku Tuloy lang sa pagbuo Hanggang maluko. | KURAKOT Inumit na salapi Walang makapagsabi Kahit na piping saksi Naitago na kasi. |
| HUWAG ITAGO Maging tapat ka, Sabihin ang problema Huwag mangamba. | Ang isa sa kaaway, Na marami ang bilang, Ang iyong pangilangan, Ayan… katabi mo lang! Tanaga ni Ildefonso Santos |
Para Sa Iba Pang Filipino Lessons
Maliban sa paksang HAIKU AT TANAGA, narito ang ilan pa mga mga aralin na pwede niyong basahin.
- Tanka Tungkol Sa Kalikasan
- Tanka Tungkol Sa Pag-ibig
- Tanka At Haiku
- Pagkakatulad ng Tanka At Haiku
- Pagkakaiba Ng Tanka At Haiku
Konklusyon
Iyan ang mga detalye tungkol sa kung ano ang kahulugan at mga halimbawa ng tulang haiku at tanaga Tagalog. Ang haiku at tanaga ay mga uri ng tula na parte na ng kasaysayan at kultura natin. Ito ay ginagamit pa rin hanggang ngayon at naging parte na rin ng pagkakakilanlan nating mga Pilipino.
Kung mayroon kayong talento sa paggawa ng tula gaya ng nandito, maaaring ibahagi ninyo sa amin at ng sa gayon ay maibahagi din namin sa dito.
Nawa ay nabigyan namin kayo ng inspirasyon sa pamamagitan nitong artikulo. Salamat sa palaging pagbisita sa aming websyt at sana ay marami kayong natutunan dito. Happy reading and God bless.
We are Proud Pinoy.