Alamat ng Pakwan – Ano Ang Alamat ng Pakwan? [Buod at Aral] 2021

Alamat ng Pakwan – Sa araling ito ay ating malalaman kung ano ang alamat ng pakwan Tagalog na may kasamang buod at aral ngayong 2021. Ang mga maikling halimbawa ng alamat ay pinamagatang “Alamat ng Pakwan“.

Ang alamat o legend sa Ingles ay may kahulugan na uri ng panitikan kung saan tinatalakay ang pinagmulan ng mga bagay-bagay sa daigdig. Ito ay mga kwentong bayan na karaniwang nagpapaliwanag kung saan nanggaling ang isang bagay. Ito ay mga kathang-isip na nagpasalin-salin sa mga henerasyon kung kaya’t ito ay buhay na buhay pa rin hanggang ngayon.

Isang halimbawa nito ay ang tatalakayin natin ngayong alamat ay tungkol sa Alamat ng Pakwan.

Alamat ng Pakwan: Ano Ang Alamat ng Pakwan?
Alamat ng Pakwan: Ano Ang Alamat ng Pakwan?

Sana sa pamamagitan nitong mga maikling halimbawa ng alamat na “Alamat ng Pakwan” ay maging inspirasyon natin ito para magtagumpay sa buhay. Marahil ay makakarelate ka sa mga karanasan ng mga sumulat ng ang alamat ng pakwan Tagalog.

Alamat ng Pakwan Story

Basahin ang nakakatuwang alamat na pinamagatang “Alamat ng Pakwan”.

Alamat ng Pakwan

Kaawa-awa ang batang si Juan. Ulila siya sa ama at ina. Nakatira siya sa kanyang tiya at tiyo. Mga pilyo, tamad, at masasama ang ugali ng kanilang mga anak. Malupit sila kay Juan. Sinisigawan, pinapalo at pinagtatawanan nila si Juan kapag nagkakamali ito. “Pak-Juan” ang tawag nila sa pinsan na ang ibig sabihin ay pangit si Juan.

Malaki ang ulo ni Juan. Maiitim ang kanyang mga ngipin at mapupula ang kanyang makakapal na labi. Ngunit mabait, masipag at matulungin si Juan. Nagtatrabaho siya sa bahay sa buong maghapon. Naglilinis, nagluluto, nag-aalaga ng bata, at nagliligpit ng kinainan.

Minsan, nabasag ang hinugasang pinggan ni Juan. “Wala kang ingat, maghuhugas ka lang ng pinggan ay mababasag pa”, sigaw ng kanyang tiya. Pinagtawanan siya ng kanyang mga pinsan, “ha-ha-ha, Pak-Juan! Pak-Juan!”, ang paulit-ulit na biro ng mga pinsan.

Hindi na nakatiis si Juan. Umiiyak siya. Tumawag siya at nanalangin sa Poon. “Kung maari kunin mo na po ako! Hirap na hirap na po ako!”

At biglang nagdilim ang langit! Bumuhos ang malakas na ulan. Kumidlat at kumulog. Kinabukasan, di na nakita ng mag-anak si Juan.

Sa halip, isang halamang may bungang simbilog ng ulo ni Juan ang kanilang nakita. Biniyak nila ang bunga. Simpula ng mga labi ni Juan ang laman nito at sing-itim ng mga ngipin ang mga buto. Nagsisi ang mga anak. “Juan, sana’y mapatawad mo kami”, ang sabi nila sa sarili. Nagbago sila ng ugali. Inalagaan nila ang halaman. Tinawag nila itong Pak-Juan. Sa paglipas ng mga araw, nang Pakwan ang tawag sa halaman. Iyon ang simula ng pagkakaroon ng halamang pakwan.

Ang alamat ng pakwan ay nagmula sa proudpinoy.ph

Buod ng Alamat

Ang “Alamat ng Pakwan” ay tungkol sa isang ulila na si Juan. Siya ay nakatira lang sa kanyang tiyo at tiya. Malupit ang mga anak nila sa kay Juan dahil nagkakamali ito at dahil sa malaki ang kanyang malaking ulo. Dahil sa kalupitan nila, nagdasal si Juan na sana ay kunin na lang siya ng Panginoon. Kinabukasan ay hindi na nila nakita si Juan.

Sa halip, isang halamang may bungang simbilog ng ulo ni Juan ang kanilang nakita. Biniyak nila ang bunga. Simpula ng mga labi ni Juan ang laman nito at sing-itim ng mga ngipin ang mga buto. Nagsisi silang lahat at tinawag ang bunga ng halaman na pakwan.

Aral ng Alamat

Ang Alamat ng Pakwan ay may aral na iwasan ang pagiging mapanghusga sa kapwa. Wala tayong karapatan na husgahan ang sinoman at saktan ang kanilang damdamin. Dapat nating isipin na respetuhin ang mga tao kahit ano pa ang kanilang anyo.

Konklusyon

Ang “Alamat ng Pakwan” na halimbawa ng maikling alamat ay nagpapakita lamang na ang mga ito ay nagpasalin-salin na sa bawat henerasyon. Dagdag pa rito, ang alamat ay isang panitikan na may kaugnayan sa ugali, tradisyon at pamumuhay nating Pilipino. Malaki ang naging ambag nito sa ating pagkakakilanlan at pagpapanatili sa ating kultura at tradisyon.

Nawa ay nabigyan namin kayo ng inspirasyon sa pamamagitan ng ang alamat ng pakwan Tagalog. Happy reading and God bless.

Inquiries

If you have any questions or suggestions about, Alamat ng Pakwan – Ano Ang Alamat ng Pakwan? [Buod at Aral] 2021. Let us know what you think about this post by leaving a comment below.

Para Sa Iba Pang Filipino Lessons

Leave a Comment